MAZMUR 119:28 - Alkitab Singog In Mongondow Masa In Tanaa

²⁸ Dimukudku in morumbun sin kinoantugan in susa, iropotaidon in akuoi podudui in dandi-Mu.

MAZMUR 119:28 Mawu Ofanana

MAZMUR 107:26

Kapaḷ mita noibingkat noḷantud kon toḷungayá, bo pinogambat kon apad in dagat. Intau mita in kinobuḻiandon in barani in tumayow kon anib moḷoben tatua.

MAZMUR 20:2

Igumon mako ki Tuhan in motubag kon inimu kon dodai in koantugan in roriga, igumon mako kawasa i Allah i Yakub moḷukad kon inimu!

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 29:11

Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

YESAYA 40:29

Sia in moginropot kon intau inta moḷopí, moporigon kon gina monia inta diá kodaya.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

ULANGAN 33:25

Igumon mako kotánea mita in oḻingoian in ḷoḻingkop mita in ngara nongkon bitú bo uatoi sinbá kobiagannea in umuran moaman bo motompia.”

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

YOSUA 2:11

Naonda in kinodongogan nami in ouman mita tatua, inagíandon in ondok in kami. Bayongan in intau nami kinoinggamáandon in barani popisí in moiko. Ki Tuhan Allahmu totu-totuubí ki Allah inta Totok in Mokawasa kon ḷangit bo kon butá.

YOSUA 2:24

Onda intua mosia noguman, “Notantú bidon kon ogoibí i Tuhan in bayongan in butá tatua kon inaton; Bayongan in intau kon tua moondokdon kon i naton.”

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.