MAZMUR 119:25 - Alkitab Singog In Mongondow Masa In Tanaa

²⁵ Akuoi in inumuḻid mako kon ruak in ḷobud; poguḻídon in kobiaganku podudui in dandi-Mu.

MAZMUR 119:25 Mawu Ofanana

MAZMUR 119:107

Akuoi in totokbí in mororiga, o Tuhan, ḷukadai in kobiaganku podudui in dandi-Mu.

MAZMUR 119:149

Indongogaidon in akuoi popisí in tabi-Mu o Tuhan, ḷukadaipa kaasí in kobiaganku popisí in kooadil-Mu.

MAZMUR 119:156

Totuu moḷoben in totabi-Mu, o Tuhan, posaḷamatpa in akuoi podudui in kooadil-Mu.

MAZMUR 119:159

Indoiaika dá totokbí in akuoi moibog kon parenta-Mu, o Tuhan, posaḷamatpa kaasí in akuoi podoyon kon tabi-Mu.

MAZMUR 119:37

Ḷukadai in akuoi sinbá diá momatuk kon inta diá in mangaḻenea, ogoiaidon in akuoi in kobiagan podudui in ibog-Mu.

MAZMUR 119:40

Ogoiaidon in akuoi in kobiagan mobagu, sin Iko in moadil, totokbí in ibogonku in tumoḷutui kon atorang-Mu mita.

MAZMUR 119:88

Posaḷamatpa in akuoi sin Iko in umuranbí motabi kon inakó, sinbá akuoi in mokoduduidon kon hukum-Mu.

MAZMUR 119:93

Modapotbí in mononoi in akuoi in diá monaḷámai kon parenta-Mu, sin tuabí in pinomiag-Mu kon inakó.

MAZMUR 143:11

Posaḷamatdon in akuoi podudui in dandi-Mu, o Tuhan, podoyon kon kopopia-Mu, poḷuatdon in akuoi nongkon roriga.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

MAZMUR 44:25

Nongonu sin mogadopbí in Iko, bo moḻiong kon bayongan in roriga bo susa nami?

MAZMUR 44:26

Kami in noḷabú bo norimumud kon butá, noiboḻingkayang kon ḷobud popisí in kotaḷá.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

MAZMUR 80:18

Oḻiungaidon in intau inta ain piniḻí-Mu, ki adí in intau inta ain iniropotan-Mu kon ini-Mu.

YESAYA 65:25

Serigala bo ki adí in domba in tumpaḷa mokaan kon bonok; singa in mokaan kon wawa naonda bo sapi, bo uḷag in diá bidon mokoanib. Kon sinangkub in tombuḷud-Ku inta motusi, diá bidon in mokorugimai andeka momia kon inta moraat.”

MATIUS 16:23

Ki Yesus nobobui bo nosingog kon inia, “Bayádon iko, Ibilis! Sin iko in umuran moḷamboi kon i-Nakó, iko in deemanbí momikir kon onu inta pinikir i Allah, táe tongábí momikir kon inta popikiron in intau!”

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

KOLOSE 3:2

Raidon in soaḷ mita inta kon soroga, donaai morai kon soaḷ mita inta kon dunia.