MAZMUR 119:173 - Alkitab Singog In Mongondow Masa In Tanaa

¹⁷³ Igumon mako Iko in umuran moibog motuḷung kon inakó, sin sinantúkudon kon dumudui kon atorang-Mu.

MAZMUR 119:173 Mawu Ofanana

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 119:117

Tonoidon in akuoi sinbá mosaḷamat in akuoi, bo umuran moindoimai kon parenta-Mu.

MAZMUR 119:30

Piniḻíkudon kon motoindudui, parenta-Mu in umuran toroponku mako.

MAZMUR 119:35

Igumon mako akuoi in umuran kumadai totok kon parenta-Mu, sin tuabí in kinoibogku.

MAZMUR 119:40

Ogoiaidon in akuoi in kobiagan mobagu, sin Iko in moadil, totokbí in ibogonku in tumoḷutui kon atorang-Mu mita.

MAZMUR 119:94

Posaḷamatdon kaasí in akuoi, sin akuoi naa Iko in kitogi, akuoi in noḷongasidon dinumudui kon atorang-Mu.

MAZMUR 37:24

Aka moḷabú in sia, yo diábí in sia kekeban modaḷom, sin kinadaianbí i Tuhan in sia kon ḻimanea.

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

MARKUS 9:24

Baḷú nomaḷú in ki amá in adí tatua, kainia, “Tuhan, mopirisaya in akuoi, táe noyakagpa in pirisayaku. Tuḷungaidon sinbá modugangdon in pirisayaku!”

LUKAS 10:42

Bá poguman-Ku kon inimu kon tongábí tobatú in totok moponting. Ki Maria ain nomiḻí kon inta mopia, inta diábí bui gamáan kon inia.”

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

YOSUA 24:22

Bo ki Yosua noguman, “Moikodon tontaní in nobaḻí sakusinea kon moiko ain nonimpod kon tosingogon kon tongábí mogundoi kon i Tuhan.” “Totuu,” tubag monia, “kamidon tontaní in sakusinea.”