MAZMUR 119:165 - Alkitab Singog In Mongondow Masa In Tanaa

¹⁶⁵ Intau inta moibog in hukum-Mu in moaman bo moodom, diábí in mokoḷamboi kon i monia.

MAZMUR 119:165 Mawu Ofanana

MAZMUR 119:56

Akuoi in nokouḻí kon ḷunganga in gina kon bonu in sinumoḷutui kon parenta-Mu mita.

AMSAL 3:17

Hikmat mobogoi kon inimu in kobiagan mosanang bo mooyúon.

AMSAL 3:23

Iko in moamanbí in mayá, bo diábí moipintud.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 28:13

Tuamai in ki Tuhan notundú kon i monimu pinangkoi kon hurup mita, tosingogon bo onu in singogon. Bo kon tungkuḷ in minayá moiko noḷabú noiboḻingkayang nodapot in kinekeban, noibaaḷ bo kinodomokan.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 57:14

Oyúon in noguman, “Aidaidon bo sadiadon in daḷan kon umat-Ku, Posídon in bayongan in tuḷamboi.”

YESAYA 57:21

Diábí in mokoaman kon intau binaradosa,” guman i Tuhan.

MATIUS 13:21

Táe Pirman tatua in diá nonguakat kon bonu in ginanea, sahingga in diá nonahang. Aka koantugan in yoyiga andeka pomogutúan popisí in Pirman tatua, yo intau tatua in baḷú mobaḷui in pirisaya monia kon i Yesus.

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

PILIPI 4:7

Dá kobiagan motompia nongkon i Allah inta diá kodapotan in raian intau, in moḷukad kon gina bo raianmu inta ain notobatú i Kristus Yesus.

YOHANES 1 2:10

Intau inta motabi kon i utatnea, nobiag kon nobayag sahingga in diábí tobatúmai in kon inia in mokopopisí kon intau ibanea mogaid kon dosa.