MAZMUR 119:160 - Alkitab Singog In Mongondow Masa In Tanaa

¹⁶⁰ Bayongan in tosingogon-Mu in totuubí, bayongan in hukum-Mu inta moadil tatua in umuranbí mononoi.

MAZMUR 119:160 Mawu Ofanana

MAZMUR 119:138

Parenta mita inta inogoi-Mu in moadil bo motaau pongata.

MAZMUR 119:142

Kooadil-Mu in umuran mononoi, hukum-Mu in umuranbí mobanar.

MAZMUR 119:144

Atorang-Mu in umuran moadil; ogoiai in akuoi in pomomangaḻe sinbá mobiag in akuoi.

MAZMUR 119:152

Nongkon koḻipodpabímai kinotaauanku nongkon totundú-Mu mita, kon Iko in nonantúdon kon tua modapot in mononoi.

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 119:86

Bayongan in hukum-Mu in motaaubí pongata, tuḷungaipa kaasí in akuoi, sin akuoi in dinuduran táe diábí in kinodoyonan pinonduduran.

AMSAL 30:5

Ki Allah in nogintompodbí kon bayongan in dandi-Nea. Sia in naonda bo kaḻeaw kon bayongan in intau inta mamangoi moniung kon i-Nia.

MOHOHUTUBA 3:14

Kinotaauanku kon bayongan inta inaidan i Allah in tantúbí mononoi. Intau in diábí motaau modugang andeka monggaat kon tua. Tua in inaidan i Allah sinbá kita in motoguondok kon i-Nia.

MATIUS 5:18

Poguman-Ku kon i monimu: Kon dodai in ḷangit bo butá naa diápa moingamá yo tobatúmai in hurup andeka titik kon hukum i Musa diábí in inggamáan, kon wakutu in bayongan tua diápa mobaḻí komintan!

TIMOTIUS 2 3:16

Komintan inta pinais kon Buk Motusi inta ain pinoporoho i Allah in baragunabí totok pakéon motundú kon inta mobanar, bo mopoyotutui doman kon onu inta noitaḷá, pakéon doman motundú kon intau, sinbá mobiag moiduduidon kon inta kinoibog i Allah.