MAZMUR 119:147 - Alkitab Singog In Mongondow Masa In Tanaa

¹⁴⁷ Doḷo-doḷom mobangon in akuoi bo mokuani mokituḷung; akuoi in mogoḷat mako kon dandi-Mu.

MAZMUR 119:147 Mawu Ofanana

MAZMUR 108:2

Moropotbí totok in pirisayaku, o Allah, moibogdon totok in akuoi in modondong bo modayow kon ini-Mu. Ei, pobangondon, dimukudku!

MAZMUR 119:43

Tuḷungaipa kaasí in akuoi sinbá umuran mosingog kon onu in totuu, sin akuoi in mogoḷat mako kon onu in tantúon-Mu.

MAZMUR 119:74

Intau motoguondok in mosanangbí in ginanea aka mokoontong kon inakó, sin akuoi in mogoḷat mako kon dandi-Mu.

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 21:3

Dinuduian-Mu in onu inta kinoibog in ginanea, bo nobogoi kon onu inta inigumnea.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 57:8

Akuoi in totuubí kon mopirisaya, o Allah, akuoi in totuubí kon mopirisaya, akuoi in moibog mododondong bo modayow kon ini-Mu.

MAZMUR 88:13

Oyúon degá in nonotaau kon inta mokoherang inaidan-Mu kon bonu in sindip, andeka kopopia-Mu kon butá inta intau mita iḻiong?

MAZMUR 88:2

O Tuhan, Allah inta noposaḷamat kon inakó, kon dodai in singgai akuoi nokuani kon ini-Mu, kon dodai in doḷom akuoi namangoi in tayowon-Mu.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

MARKUS 1:35

Nopoikoḷomai kon singgai, subupa, nobangondon in ki Yesus bo iḷumuai. Sia minayá in tampat inta noitontaní bo nosambayang kon tua.