MAZMUR 113:3 - Alkitab Singog In Mongondow Masa In Tanaa

³ Nongkon pomukaan modapot in toyopan tangoi i Tuhan in mustibí dayowon.

MAZMUR 113:3 Mawu Ofanana

MAZMUR 18:3

Ki Tuhan in naonda bo dinding inta moropot pogogadopanku. Ki Allahku in naonda bo buḷud batu pononiunganku. Naonda bo kaḻeaw inoḻingoian-Nea in akuoi, bo noḷukad kon inakó sinbá umuran in akuoi moaman.

MAZMUR 48:10

Kon bonu in Baḷoi-Mu kami in monano-nanob kon tabi-Mu, o Allah.

MAZMUR 50:1

Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.

MAZMUR 72:11

Bayongan in datu in dumokóbí kon tayowonnea, bayongan in bangusa mobaḻí atanea mita.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

YESAYA 24:16

Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 59:19

Kawasa bo koagung-Nea in koondokbí in bayongan in intau nongkon pomukaan nodapot in toyopan. Sia in mamangoibí naonda bo ongkag inta motoḷog inta pinondoradak mako in tompot inta moropot.

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”