MAZMUR 107:43 - Alkitab Singog In Mongondow Masa In Tanaa

⁴³ Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

MAZMUR 107:43 Mawu Ofanana

MAZMUR 28:5

Mosia in diábí nopandungmai kon inta pinomia i Tuhan, andeka onu inta pinomia-Nea. Dá Sia in mohukumbí kon i monia, bo moyopú kon i monia modapot in mononoi.

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MAZMUR 64:9

Mosia in noyopú popisí in tosingogon monia tontaní; bayongan inta nokoontong kon inia nomombiḻing.

YESAYA 42:20

Israel, nobayong in inontongmu, táe diá sinaridianmumai, bongoḷanmu in nobuká, táe iko in diá nokidongog.”

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

YEREMIA 9:12

Akuoi in noḻibó, “Tuhan, nongonu sin butá tanaa in pinomayábí mako in noḷogat bo noingkag naonda bo padang gurun nodapot in diádon in tumaḻib? Oyúon degá in mopandoi totok sinbá momangaḻe kon naa komintan? Ki ine in pinoginsilangan-Mu sinbá sia in mokopoyaput kon intau ibanea?”

YEREMIA 9:24

Ki ine in moibog mopoyunggaga in onuka, yo mustibí moyunggagá sin sia in nonotaaudon bo nomangaḻedon kon i-Nakó; bo kinotaauanneadon kon tabi-Ku modapot in mononoi bo Akuoi in moposindogbí in hukum bo inta moadil kon dunia. Tua komintan in mokosanangbí kon gina-Ku. Akuoi, ki Tuhan, inta ain noguman kon tua.”

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”