MAZMUR 107:37 - Alkitab Singog In Mongondow Masa In Tanaa

³⁷ Mosia in nogambor kon gobá mita bo nomuḷa kon pangkoi in anggur, bodongka mosipun kon bungai in boyónea inta mobayong.

MAZMUR 107:37 Mawu Ofanana

KINOBAḺIAN 26:12

Ki Ishak nonompinomuḷa kon butá tatua, bo taong tatua sia in nokouḻí kon bungai in boyó mogatut noguntuḷ nongkon onu inta pinomuḷanea, sin ki Tuhan nomarakat kon inia.

YESAYA 37:30

Ki Yesaya in nokidia doman in koyow tanaa kon i Hizkia, “Naa in inta mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta mobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungainea.

YESAYA 65:21

Intau in moposindogbí in baḷoi bo mogutun kon tua tontaní; intau ibanea in diábí mogutun kon tua. Mosia in momuḷabí kon gobá in anggur bo monginum kon tubig in anggurnea; intau ibanea in diábí monginum kon tua. Umat-Ku in moumurbí in kobiagannea naonda bo pangkoi in kayu, bo mokaan kon bungai in ḷopí monia.

YEREMIA 29:5

‘Pokotantúdon kon nion. Posindogdon in baḷoimu mita. Pononggobádon bo kaandon in bungainea.

YEREMIA 31:5

Moiko in mobukabí kon gobá in anggur kon buḷud in Samaria, bo ki inta nomuḷa in mosipúbí doman kon bungainea.

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

ZAKHARIA 8:12

Mosia in moponimboibí in bibit takin dame. Pangkoi mita in anggur monia in momungaibí, butá in mopoḷuaibí in bungainea, bo uyan in umuranbí morogot. Bayongan in barakat tatua in ogoi-Kubí kon bangusa mita inta nobiagpa nongkon bangusa tanaa.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

KORINTUS 1 3:7

Manangka intua ki Allahbí in moponti-ponting, sin Sia in mobogoi in kobiagan. Ki inta nomuḷa bo ki inta nomuta-mutak in diábí totok moponting;

KORINTUS 2 9:10

Sinadia-Neadon bibit kon intau inta mogogambor bo kaanon kon i naton. Siabí doman inta moposadia in bibit inambor monimu tatua, sinbá bungai in kopopia in gina monimu moguntu-guntuḷ domandon.