MAZMUR 107:33 - Alkitab Singog In Mongondow Masa In Tanaa

³³ Ongkag mita binaḻí-Nea padang gurun bokaká binaḻí-Nea butá noingkag.

MAZMUR 107:33 Mawu Ofanana

DATU MITA IMITÁNEA 18:5

Ki Ahab noguman kon i Obaja, “Koḻigai modondaḷoi in kita kon bayongan in butá tanaa bo motayak kon bokaká andeka ongkag. Degá bo mokouḻíbí in kita kon bonok sinbá mobiagpa in kabaḷo bo bagal naton sinbá diáka bidon in kita moḻimod kon tobatúmai in bobiagon naton.”

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

YESAYA 42:15

Buḷud bo tombuḷudnea in baḻíon-Ku moḷogat, bayongan in pinomuḷanea iḷaḷowan-Ku. Ḷopá mita in ongkag binaḷuian-Ku nobaḻí padang gurun, Bayongan in danow iningkagan-Ku.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.

YEHEZKIEL 30:12

Ingkagan-Kubí in Ongkag in Nil bo mobogoi kon sinangkub in Mesir kon intau mita moraat. Intau mita ango-angoi potabá-Kubí moyompat kon sinangkub in butá tatua. Akuoi ki Tuhan, ain nosingog.”

YOËL 1:20

Nodapot in biag mita ḻindong kon kayuon nokuani kon ini-Mu mokituḷung. Mosia in diá mokoguḻí kon rogang, sin ongkag mita nongoingkagdon komintan.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

ZEPANYA 2:13

Nopaḷut mako kon tua ki Tuhan nopomakédon in kawasa-Nea morimumud kon Asyur. Kotá in Niniwe in baḻíonbí moingongow bo butá moḷogat.

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”