MAZMUR 106:35 - Alkitab Singog In Mongondow Masa In Tanaa

³⁵ Nodapotbí in mosia inumauk kon bangusa mita tatua, bo dinumayan kon gogutú in intau mita inta diá nonotaau kon i Allah.

MAZMUR 106:35 Mawu Ofanana

AMSAL 22:25

Sin iko in dumayan doman kon inia, bo diádon motaau monginggamá kon kabiasaan tatua.

YESAYA 2:6

O Allah, Iko in nonaḷádon kon umat-Mu, buí i Yakub! Sin kon ondakabí kon butá tanaa intau in mopomaké in ilimu sinotaau monia inta nongkon pomukaan bo nongkon Pilistin. Intau mita dumudui kon adat in intau ibanea.

HOSEA 7:8

Ki Tuhan in noguman, “Bangusa in Israel noyopakat in bangusa mita kon ḻibumai monia, dá mosia in nobaḻí naonda bo roti inta noḷutú kon toḷosi.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

KORINTUS 1 5:6

Moiko in diábí motaau in dumodia. Dinongogdon monimu degá in singog nanaa, “Ragi topiḻik mokokutad kon bayongan topong aidan kukis!”

ULANGAN 12:30

Naonda in bangusa mita tatua yopúon mokopoingat dika modapot in dumayan in moiko mosumba kon ilah mita ibanea, sin oaid natua mokopoangoi kon bodito.

YOSUA 15:63

Kotá in Yerusalem noitakin doman kon kapunyaan i Yohuda, táe intau in Yohuda in diábí mokountun kon intau mita in Yebus inta nogutun kon tua. Dapot in tanaa intau mita in Yebus nogutunpabí noyotakin in intau in Yohuda kon kotá tatua.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.