MAZMUR 106:28 - Alkitab Singog In Mongondow Masa In Tanaa

²⁸ Onda intua kon Peor nosumba in mosia kon Baal, bo nokaan kon onu inta pinosumba kon dewa mita.

MAZMUR 106:28 Mawu Ofanana

IḶUAIAN 34:15

Dika momia kon dodandian takin bangusa kon butá tatua, sin kon dodai in mosia mosumba bo moposumba in kuruban kon ilah mita monia, mosia in monongganutbí kon i monimu, bo moiko in dumuduibí.

HOSEA 9:10

Ki Tuhan in noguman, “Kon tungkuḷ in Akuoi dungkuḷ nokouḻí kon Israel, nopia in gina-Ku naonda bo intau nokouḻí kon bungai in anggur kon padang gurun. Kon tungkuḷ in Akuoi dungkuḷ nokoontong kon mogoguyangmu, nopia totok in gina-Ku naonda bo intau inta nokoontong kon bungai in ara inta dungkuḷ. Táe, kon dodai in mosia minayá in Buḷud in Peor, mosia in nomangkoidon nosumba kon Baal, dá nonajisdon in mosia naonda bo dewa inta kinoibog monia tatua.

PINOGIAPAN 25:5

Onda intua ki Musa noguman kon hakim mita in Israel, “Moiko komintan musti moḻimod kon bayongan intau kon bonu in sukumu inta ain nosumba kon Baal Peor.”

PINOGIAPAN 31:16

Diá kinotaauan monimu kon bobay mita tatua in dinumudui domandon kon tonggina i Bileam, inta nodondouḷugdon kon umat Israel kon Peor sin monaḷámai kon i Tuhan? Bo tuata in nokopopisí kon umat i Tuhan kinoantugan in bodito!

ULANGAN 32:17

Mosia noposumba in kuruban kon dimukud mita moraat inta deemanbí ki Allah, kon i ilah mita inta diá kinotaauan monia, ilah mita mobagu inta diá kinoondok in mogoguyang monia.

ULANGAN 4:3

Moiko ain nokoontong tontaní kon onu inta ain inaidan i Tuhan Allahmu kon Buḷud in Peor. Bayongan intau inta nosumba kon Baal kon tampat tatua iyopú-Nea,

YOSUA 22:17

Degá bo diádon kinotoropan monimu in dosa naton kon Peor? Kon tungkuḷ intua kita i hukum i Tuhan takin yampoi tobatú, umpakabí kita naa in umat-Nea tontaní! Nodapotpa doman in tanaa umuranpa doman in kita nobaba kon akibatnea. Diápa doman degá tugat intua?

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.