MAZMUR 106:19 - Alkitab Singog In Mongondow Masa In Tanaa

¹⁹ Kon Buḷud in Sinai mosia in nomia kon ki adí in sapi nongkon buḷawan, bo nosumba kon patong inta pinomia monia tatua.

MAZMUR 106:19 Mawu Ofanana

NEHEMIA 9:18

Mosia in nomia kon berhala ná batangan in sapi. Bo mosia in noguman, ‘Naa in ki Allahmu, inta nodia kon i monimu nongkon Mesir, nongkon pinononggataan.’ Oo Allah, Iko tontaní in siningkuḻe monia!

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

IḶUAIAN 32:35

Bo ki Tuhan nopoangoidon in bodito kon intau mita tatua sin mosia nomakisa kon i Harun nomia kon patong sapi buḷawan tatua.

OUMAN IN RASUL MITA 7:41

Dá kon wakutu doman intua mosia in nogaid kon patong ki adí in sapi, onda intua mosia in noposumba in kuruban kon patong tatua poḷat nomia kon rame sin noduí kon onu inta pinomia monia tua.

KORINTUS 1 10:7

Bo bá diá doman in kita mosumba kon berhala, naonda bo inaidan in tongonumai intau kon sigad monia. Kon bonu in Buk Motusi in pinais nanaa, “Bo nomangkoidon in bangusa tatua nongaan bo nonginum poḷat nomanari sin mosumba kon berhala.”

ULANGAN 9:19

Akuoi moondok kon torú i Tuhan inta modoko-dokot kon i monimu dá ibogon-Nea in moiko yopúondon, táe kon naa ki Tuhan buipa doman noibog nokidongog kon oigumku.

ULANGAN 9:21

Patong sapi inta pinomiamu, pinogambatku kon bonu in tuḷú. Bo irimumudku bo dinodok nodapot in noyimok totok naonda bo ḷobud, bo ḷobud tatua pinogambatku kon bonu in tapá inta noiḻig nongkon buḷud tatua.

ULANGAN 9:8

Ondapa doman inta kon Buḷud in Sinai pinoyaat totok monimu in gina i Tuhan, nodapot in Sia moyopúdon kon i monimu.