MAZMUR 105:25 - Alkitab Singog In Mongondow Masa In Tanaa

²⁵ Binaḷuian-Nea in gina in intau in Mesir dá noyaatdon in gina monia kon umat-Nea bo sinombogádon monia in mogogundoi-Nea mita.

MAZMUR 105:25 Mawu Ofanana

KINOBAḺIAN 15:13

Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

IḶUAIAN 1:16

Guman i datu in Mesir, “Kon tungkuḷ in moiko motuḷung kon bobay mita in Ibrani mononggadí, yo toropdon in naa: Aka adí inta pinononggadí tatua bo ḷoḷaki, yo ḻimod in adí tatua! Táe aka bobay yo pomayádon mako mobiag.”

IḶUAIAN 10:1

Ki Tuhan noguman kon i Musa, “Bayádon pokipodungkuḷ bui kon i datu. Binaḻí-Kudon in sia takin pogawainea mita motontogat in gina, sinbá in Akuoi motaau mogaid kon onu mita inta mokoherang kon yua-yuak monia,

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

MOHOHUTUBA 3:8

Ki Allah in nonantú kon wakutu motabi bo wakutu mondoí, wakutu moparang bo wakutu moyodame.

OUMAN IN RASUL MITA 7:19

Datu nobagu tatua totok in moporupa-rupamai kon intau naton bo totok doman in momogutú kon mogoguyang naton. Sia in nokiḷumbú in adí mita mointok monia sinbá matoi.

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.