MAZMUR 105:16 - Alkitab Singog In Mongondow Masa In Tanaa

¹⁶ Ki Tuhan in nopoangoi in gogoy kon butá tatua, bo nogamá kon bayongan in tongkaaḷ in kaanon.

MAZMUR 105:16 Mawu Ofanana

KINOBAḺIAN 41:54

Dá noitoḻiudon pitu notaong sempo in malarat, noyokaan totok ná inta ain pinotaau i Yusup. Kon bayongan tampat nobaḻídon in malarat, táe kon bayongan butá in Mesir nobarong in toibaḷun in kaanon.

KINOBAḺIAN 47:13

Malarat tatua totokdon motoyang, nodapot in kon bayongan tampat kinodaitandon in kaanon. Rayat kon Mesir bo rayat in Kanaan moyangkódon bo kinodaitandon in daya sin gogoyon.

KINOBAḺIAN 47:19

Donaai pomayá mako matoi in kami! Donaai pomayá mako in gobá nami diá in mangaḻenea. Uboḻiaidon in gandum in kami bo butá mita nami. Kami bo butá nami in mobaḻídon kapunyaan i datu. Ogoiaipa kami in gandum sinbá mobiagpa in kami bo ogoiaipa doman in bibit sin pomuḷaan kon gobá tatua!”

DATU MITA 2 8:1

Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

YESAYA 3:1

Totuubí, ki Tuhan Inta Mokawasa Totok in mogamábí nongkon Yerusalem bo Yohuda in bayongan tongkaaḷ in kaanon bo inumon. Intau mita doman inta pongatamai monia:

YEHEZKIEL 4:16

Onda intua Sia in noguman bui, “Ei intau inta ilo-ilow, Akuoi in monginggamábí kon tongkaaḷ in kaanon kon Yerusalem. Takin moondok bo mogagawang in intau mita in tongá uku-ukuron in mobogoi in kaanon bo inumon monia.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

HAGAI 2:17

Akuoi in nopoonagdon in tompot mopatú bo uyan batu sin morimumud kon bayongan in bungai in pinomuḷa kon gobámu, táe moiko in doí doman mobui kon i-Nakó.

OUMAN IN RASUL MITA 7:11

Noiduduimai kon tua noiangoidon sempo in malarat moḷoben kon bayongan butá in Mesir bo kon butá in Kanaan sahingga intau in nokorasadon kon roriga. Mogoguyang naton in kinodaitan domandon in kaanon.

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.