MAZMUR 104:35 - Alkitab Singog In Mongondow Masa In Tanaa

³⁵ Biódon mako in intau binaradosa moinggamá kon dunia naa, biódon mako in intau moraat modait moyopú. Dayowdon in ki Tuhan, ei dimukudku! Dayowdon in ki Tuhan!

MAZMUR 104:35 Mawu Ofanana

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 101:8

Pomuḷoi in singgai yopúonku in intau mita moraat kon butá tanaa. Komintan intau inta mogaid kon moraat in inggamáankubí kon kotá i Tuhan.

MAZMUR 103:22

Dayowdon in ki Tuhan, ei bayongan in inta binaḻí-Nea kon sinangkub in butá inta kinawasa-Nea. Dayowdon ki Tuhan, ei dimukudku!

MAZMUR 104:1

Dayowdon in ki Tuhan, ei dimukudku! Totuu moḷantud in Iko, o Tuhan Allahku! Iko in nopogiḷambung in koyunggaga bo kamuliaan,

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

MAZMUR 106:48

Dayowdon in ki Tuhan, ki Allah in Israel, tanaa mako dapot in mononoi. Biódon mako bayongan in intau moguman, “Amin!” Dayowdon in ki Tuhan!

MAZMUR 145:20

Sia in moḷukadbí kon batúan in intau inta moibog kon i-Nia, táe intau moraat in putúan-Neabí.

MAZMUR 37:38

Táe intau binaradosa in yopúonbí; buí monia in inggamáanbí.

MAZMUR 59:13

Sin mosia in binaradosa pinongin tosingogon monia; biódon mako in mosia moibaaḷ kon bonu in ḷoḷatúnea, sin mosia in moibog mogodi-godi bo monguboḷ.

MAZMUR 73:27

Intau inta monaḷámai kon ini-Mu in moboditobí, Iyopú-Mu in intau inta diá motoḷutui kon ini-Mu.

AMSAL 2:22

Táe intau moraat bo binaradosa in pogambat kon ḷuai i Allah nongkon butá tatua, naonda bo bonok irabut nongkon butá.

YESAYA 13:9

Singgai i Tuhan in moiangoibí, bo kon singgai tatua ki Tuhan in mopoaid in torú-Nea bo rogi-Nea inta motoyang. Butá in mobaḻí butá inta moḷogat, bo bayongan in intau baradosa in moyopú.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.