MATIUS 27:38 - Alkitab Singog In Mongondow Masa In Tanaa

³⁸ Kon tua oyúon doman in doyowa intau mononakow inta pinopopakú doman kon kayu pinoyotaḻempang noyotakin-Nea, tobatú kon dotá in koḷanan, bo tobatú kon dotá in koḷoigi-Nea.

MATIUS 27:38 Mawu Ofanana

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MATIUS 27:37

Bo kon ḻimonik in uḷu-Nea pinopopakuan monia in dopí inta pinaisan in pais inta binaḻí dodoyonan pinohukuman kon i-Nia: “Naadon in ki Yesus Datu intau Yahudi.”

MATIUS 27:39

Intau mita inta noitaḻib kon tua moningkuḻe, bo momombiḻing kon i Yesus.

MATIUS 27:44

Intau mononakow inta pinopopakú doman kon kayu pinoyotaḻempang noyotakin-Nea noningkuḻe doman natua kon i-Nia.

MARKUS 15:27

Dodai intua doyowa doman intau mogogagow in pinopopakú kon kayu pinoyotaḻempang noyotakin i Yesus. Tobatú kon dotá in koḷanan, tobatú kon dotá in koḷoigi Yesus. [

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

YOHANES 19:18

Kon tua in Sia pinopopakúdon kon kayu pinoyotaḻempang. Oyúon doman intau doyowa in pinopopakú kon kayu pinoyotaḻempang takin i Yesus singgai tua. Tobatú kon dotá in koḷoigi, tobatú kon dotá in koḷanan, bo ki Yesus kon yua-yuak monia.