MATIUS 25:33 - Alkitab Singog In Mongondow Masa In Tanaa

³³ Domba mita in tampaton-Nea kon dotá in koḷanan-Nea, yo bembé mita in kon dotá in koḷoigi-Nea.

MATIUS 25:33 Mawu Ofanana

DATU MITA IMITÁNEA 2:19

Dá minayádon in ki Batsyeba kon i datu makusud mopoyosingog intua sin kopontingan i Adonia. Sinimindog in ki datu sin monontomu kon i inánea bo sinumungkud kon inia, bo dongka iḻimitú bui kon ḷoḻitúannea. Onda intua sia nokisadia in ḷoḻitúan kon dotá in koḷanannea sin ḻitúan i inánea.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 45:9

Ḷambungmu nobó in taḷong mobondu, gaharu, bo sondana; mopogogitog in musik kon komaḻig nokopia kon ginamu.

MAZMUR 79:13

Dá kami umat-Mu, domba inta iḷukadan-Mu, in mopoyaput in sukur kon ini-Mu modapot in mononoi, bo modayow kon ini-Mu modapot in adí bo ompu.

MAZMUR 95:7

Sin Siabí in ki Allah naton, kita naa in umat inta biniag-Nea, naonda bo domba gombalaan-Nea. Singgai in naa indongogaidon in singog-Nea:

MOHOHUTUBA 10:2

Patusbí in aka intau moarip mogaid kon inta mopia, bo intau bodok mogaid kon inta moraat.

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

EPESUS 1:20

inta pinaké-Nea wakutu in nomiag bui kon i Kristus nongkon kinopatoian-Nea bo nobogoi kon i-Nia in ḷoḻitúan inta totok in moḷantud, moyotakin i Allah kon soroga.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.