MATIUS 23:37 - Alkitab Singog In Mongondow Masa In Tanaa

³⁷ “Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

MATIUS 23:37 Mawu Ofanana

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

MAZMUR 17:8

Ḷukadaidon in akuoi naonda bo batoḷ in mata-Mu, bunidon in akuoi kon bonu in koḻikip-Mu

MAZMUR 36:7

Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o Tuhan.

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

MAZMUR 63:7

Kon dodai in akuoi inumuḻid mako kon ḷantaan, kinotoropanku in Iko; kinoouput in doḷom akuoi monano-nanob kon ini-Mu,

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 26:23

Bo dinia monia in sia nobui minayá kon i Datu Yoyakim. Onda intua pinoki ḻimod in datu in sia, bo mayatnea in iḷumbú kon poḷoḷobongan kon bayongan in intau.

YEREMIA 32:31

Pinangkoi kon kotá tanaa pinosindog, intaunea in nopomukádon kon torú-Ku. Dá sinantú-Kudon kon yopúon intua,

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 36:26

Noidapot in ki datu nomarentabí kon i adínea ḷoḷaki, ki Yerahmeel, noyotakin i Seraya ki adí i Azriel bo ki Selemya ki adí i Abdeel, sin modomok kon inakó bo kon i Barukh momomaisku. Táe binuni i Tuhan in kaminda.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

ZAKHARIA 1:4

Dikadon ná mogoguyangmu. Dungkuḷmai nabi mita nopotaau in koyow-Ku kon i monia sinbá mosia in dikadon bui mogaid kon inta moraat bo dosa. Táe diá in mosia nopandungmai bo doí tumoindudui kon i-Nakó.

MATIUS 22:3

Sia in nopotabá kon bobantungnea mita mogoiní kon intau mita inta aindon sinoko oiní kon rame ponikaan tatua, táe intau mita tatua in doí mamangoi.

MATIUS 22:6

bo oyúon doman in nodomok kon bobantungnea mita bo pinogutú poḷat iḻimod.

MATIUS 23:30

Takin mosingog nanaa, ‘Aka kami nobiag kon tungkuḷ i ḷaki bo ibaay naton, yo tantú diábí in kami dinumudui kon oaid monia inta moibog moḻimod kon nabi mita tatua.’

MATIUS 23:31

Táe diábí kinotaauan monimu kon oaid monimu tatua in sabanarnea noginsilangbí kon i monimu tontaní, kon moiko in buíbí in moḷoḻimod kon nabi mita tatua!

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

LUKAS 15:28

Dá sinumorú totok in ki adínea guya-guyang tatua poḷat doí sinumuot kon baḷoi. Dá iḷumuai in ki amánea bo nodondouḷug kon inia.

TESALONIKA 1 2:15

Intaubí mita tatua inta noḻimod kon i Tuhan Yesus bo nabi mita bo inta nomogutú doman kon i nami. Mosia in mosaturu kon bayongan intau, bo beresibí diá mosanang in gina i Allah kon i monia.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”