MATIUS 19:16 - Alkitab Singog In Mongondow Masa In Tanaa

¹⁶ Oyúon tobatú tayowmobiag namangoi bo noḻibó kon i Yesus, “Pak Guru, degá oaid mopia inta naondapa in aidanku sinbá akuoi mokouḻí kon kobiagan mopia bo mononoi?”

MATIUS 19:16 Mawu Ofanana

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MATIUS 19:15

Bo binarakatan-Neadon in mosia bodongka nobuat nongkon tua.

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

YOHANES 10:28

Mosia tua in ogoian-Kubí in kobiagan mononoi, bo nopasti bidon kon diábí moputu-putú. Diábí tobatúmai intau in mokoagow kon i monia nongkon ḻima-Ku.

YOHANES 12:25

Intau inta motabi kon kobiagannea, yo kobuḻian sia in kobiagannea tatua. Táe intau inta diá motabi kon kobiagannea kon dunia naa, yo sia tua in moḷukadbí kon kobiagannea inta mononoi.

YOHANES 3:15

sinbá bayongan in intau inta mopirisaya kon i-Nia mokouḻí kon kobiagan mononoi.

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

YOHANES 6:47

Pokotaaudon: Intau inta mopirisaya, oyúonbí in kobiagan mopia bo mononoi.

YOHANES 6:68

Dá ki Simon in noḻibó, “Tuhan, kon i inepa in bayáan nami? Tosingogon i Tuhan mobogoi in kobiagan mopia bo mononoi.

OUMAN IN RASUL MITA 16:30

Dá dinianeadon pinobayá in ḷuai in taya dua tua bo noguman, “Tuang, onu degá in musti pomiaanku sinbá mosaḷamat in akuoi?”

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

TIMOTIUS 1 1:16

Táe popisíbí in kaadaanku natua, dá sinotabi i Allah in akuoi bo bá moniatadon in kososabar i Kristus Yesus kon inakó, intau inta totok in binaradosa. Bo naadon in mobaḻí contoh kon bayongan in intau inta aka mopirisayadon kon i-Nia bo inta mokouḻí kon kobiagan mopia bo mononoi.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 1 6:19

Aka natua in aidan monia, yo momangkoidon in mosia mosipun kon kapunyaan inta mobaḻí baḷun mopia kon singgai moiduduimai. Bo aka natua mosia in mokouḻí doman kon kobiagan mononoi ná inta kinoibog i Allah.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

TITUS 3:7

sinbá saḷaku intau mita inta ain nokouḻí kon totabi i Yesus dá mokouḻí doman kon kobiagan mononoi ná inta harapon mako naton.

YOHANES 1 1:2

Wakutu in kinobiagan tatua pinoniata, nokoontong doman in kami. Tuamai kami in mobogoi in sakusi soaḷ Sia. Kami in mopotaau kon i monimu soaḷ kobiagan mopia bo mononoi moyotakin i Amá, sin tua aindon pinoontong kon i nami.

YOHANES 1 2:25

Bo naa in pinodandi i Kristus tontaní kon i naton: kobiagan motompia bo mononoi.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.

YUDAS 1:21

bo kobiag saḷaḷu kon bonu in totabi i Allah, kon wakutu in moiko mogoḷat mako kon barakat i Tuhan naton ki Yesus Kristus inta mobogoi in kobiagan mopia bo mononoi.