MARKUS 9:9 - Alkitab Singog In Mongondow Masa In Tanaa

⁹ Wakutu in nosiḻigdon nongkon buḷud tatua in mosia, ki Yesus nongoyow kon imonia, kai-Nia, “Donaai potaau monimu kon i ineka onu inta inontong monimu koina aka ki Adí Intau diápa biagon nongkon kinopatoian.”

MARKUS 9:9 Mawu Ofanana

MATIUS 12:19

Sia in diábí mobobayowan bo diábí doman kumarak, bo diábí dongogon in intau in singog-Nea kon daḷan mita.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

MARKUS 5:43

Táe ilarang totok i Yesus in mosia in mopotaau kon soaḷ tatua kon i inekadon. Sia noguman, “Ogoiaidon in kaanon in adí tanion.”

MARKUS 7:36

Bo ki Yesus nolarang kon i monia komintan in mongonguman kon soaḷ tatua kon i ineka. Táe námai tua in pololarang i Yesus, táe námai tua doman in poposiar magí-mako monia.

MARKUS 9:10

Dinuduian monia in koyow tatua, táe mosia tontaní in momangkoidon mongonguman mongo onu in makusud in singog i Yesus, “mobiag bui nongkon kinopatoian”.

MARKUS 9:8

Baḷú nobobui magí-mako in taya toḷu bo diádon in ibanea mako inontong monia koḻikud in ki Yesus tontaní in kon tua.

LUKAS 24:46

Bo Sia in noguman kon i monia, “Kon bonu in Buk Motusi pinais nanaa: Datu Mopoposaḷamat in musti mokorasa kon roriga, bo musti mobiag bui nongkon kinopatoian-Nea kon singgai intoḷunea.

LUKAS 9:36

Naonda in nogogai singog tatua, indoianmai monia yo dongkadon ki Yesus tontaní in kon tua. Táe tua komintan diábí inouman in murí-Nea mita kon intau ibanea.