MARKUS 9:43 - Alkitab Singog In Mongondow Masa In Tanaa

⁴³ Aka ḻimamu mokopopisí kon inimu mogaid kon mokobaradosa, yo pongkó in ḻimamu tatua! Sin mopira-pirabí kon diá koḻima tosimpaḷ iko bo mobiag takin i Allah, dika in oyúonpa in ḻima doyowa nosimpaḷ táe tumuot iko kon naraka, tuata in tuḷu inta diá mopio-piong. [

MARKUS 9:43 Mawu Ofanana

YESAYA 1:31

Naonda bo wawa nopokak tongá popisí in rosik in ḻigatu, natua doman in intau mita nongawasa in yopúon in oaid mita moraat monia tontaní, bo diábí in motaau mongampai kon korimumudan tatua.

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

MATIUS 17:27

Táe bá kita in diá mobaḻí ḷonggai kon i monia, dá bayádon bo pongail kon danow. Onda in toyá inta moaḷapmu muna, domokdon bo buká in bibignea dá mouḻímu in doit opat nodirham kon bonunea. Gamá in doit tatua bo uboḻiaidon in pajak natonda kon Baḷoi Tuhan.”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MARKUS 9:44

Kon tampat tatua uḷodnea mita in diábí matoi bo tuḷúnea in diábí kopiongan.]

LUKAS 14:13

Manangka intua aka iko bo mogaid kon bobutungan, yo oinídon in intau mita bogá, intau nongobogit, intau mita inta ḻempeng, bo intau mita bilog.

LUKAS 14:21

Simpaḷ tatua in nobuidon bo noguman kon i tuangnea kon bayongan alasan inta pinoyaput in intau mita inta sinokooiní. Dá sinumorú totok in ki togi baḷoi tatua poḷat noguman in Sia kon simpaḷnea nanaa, ‘Ḷagidon bayá kon daḷan mita moḷoben bo loro-lorongannea kon kotá, bo diadon mangoi in intau mita inta bogá, bogit, bilog, bo intau mita ḻempeng.’

LUKAS 3:17

Digu kokada-kadai-Neadon sin poguaban kon gandum dapot in modarit. Gandum inta nodaritdon tontaníon-Nea bo tagúon kon tampatnea, táe bayongan pangkoinea in tubáan-Nea kon bonu in tuḷu inta diá mopio-piong!”

SURAT I PAULUS KON JAMAAT RUM 8:13

Sin aka moiko bo mobiag dumudui kon ibog in awak naa, dá matoibí; táe aka moiko bo momaké in kawasa in Roho i Allah bo umuran monginggamá kon aid mita inta mokobaradosa, yo mobiagbí in moiko.

KORINTUS 1 9:27

Táe ain bidon muna ilatihku in awakku bo nodaitku bidon kinawasa. Sinbá aka akuoi in modia kon intau tumakin kon poyotandingan tatua, yo akuoi in tantúbí doman tarimaan.

GALATIA 5:24

Ki ine inta ain nobaḻí kapunyaan i Kristus Yesus, yo mosia tua ain doman noḷumbú kon tabiat in intau bo bayongan ibog in dunia naa.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

TITUS 2:12

Totabi i Allah tatua in motundú kon i naton bá diádon tongá umuran dumudui kon ibog in dunia naa, táe tantúdon dumudui kon ibog i Allah. Kita in pinoangoi in dunia naa, dinidikbí sinbá motaau monahang kon ibog in awak, umuran motuḻid in gina bo umuran doman dumudui kon inta pinarenta i Allah.

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.