MARKUS 9:25 - Alkitab Singog In Mongondow Masa In Tanaa

²⁵ Naonda inontong i Yesus kon intau mobayong momangkoidon moyoḻipung, pinarentaan-Nea in dimukud moraat tatua takin singog, “Ei dimukud moraat inta bongoḷ bo bobó, Akuoi in moguman kon inimu, ḷuaidon nongkon adí tanaa bo dikadon bui tumoḷang kon inia!”

MARKUS 9:25 Mawu Ofanana

ZAKHARIA 3:2

Malaekat i Tuhan in noguman kon Ibilis, “Igumon mako ki Tuhan in mohukum kon inimu ei Ibilis! Igumon mako ki Tuhan inta notabi kon Yerusalem in mohukum kon inimu. Intau tanaa in naonda bo kayu topongkó inta inugut nongkon yuak in tuḷú.”

MATIUS 12:22

Onda intua diniadon kon i Yesus in intau inta kinotoḷangan in dimukud moraat. Intau tatua bilog bo bobó sia inundaman i Yesus, dá nokosingog bo nokoontongdon.

MATIUS 17:18

Bo ki Yesus in noguman kon dimukud moraat inta sinumoḷang kon adí tatua, ‘Ḷuai!’ Bo dimukud moraat tatua in iḷumuai, dá dodaipa doman tatua adí tatua in nopia.

MARKUS 9:15

Naonda intau mita tatua nokoontong kon i Yesus, mosia in nongoitongau bodongka noribatuk nonontomu kon i-Nia.

MARKUS 9:24

Baḷú nomaḷú in ki amá in adí tatua, kainia, “Tuhan, mopirisaya in akuoi, táe noyakagpa in pirisayaku. Tuḷungaidon sinbá modugangdon in pirisayaku!”

MARKUS 9:26

Dimukud moraat tatua nomaḷú, bodongka sinorondónea in awak in adí tatua, bo iḷumuai nongkon adí tatua. Ontongon nádon onda bo mayat in adí tatua, sahingga in komintandon intau nosingog, “Minatoidon sia!”

LUKAS 11:14

Kon singgai tobatú ki Yesus noguntun kon dimukud moraat nongkon intau bobó. Naonda in dimukud moraat tatua iḷumuai kon intau bobó tatua, nokosingogdon in sia. Intau moantó kon tua in nongoherang,

LUKAS 4:35

Táe ginuakan i Yesus in dimukud moraat tatua, “Kibio-biómai bo ḷuaidon iko kon intau tanion!” Dá dimukud moraat tatua nogumpang kon intau tatua kon tayowonmai monia komintan, onda intua sia iḷumuaidon pia-pia nongkon intau tatua.

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

LUKAS 8:29

Dimukud moraat tatua noguman natua, sin pinotabá i Yesus iḷumuai nongkon intau tatua. Sin mokakitdon in pogarab in dimukud moraat in intau tatua. Dá poḷoḷukad kon intau tatua in dongka bidon togotonmai in rante bo umantungan, táe bontowonnea doman in rante inta pinotogot kon inia, onda intua sia diaan in dimukud moraat mayá in padang gurun.

LUKAS 9:42

Kon wakutu in adí tatua nopobayá kon i Yesus, dimukud moraat tatua nopobanting kon inia poḷat sinorondónea in awak in adí tatua. Táe totok in sinorúan i Yesus in dimukud moraat tatua bo pinoki ḷuaian-Nea nongkon adí tatua dá nopiadon in adí tatua bo poḷatdon pinosarakan kon i amánea.

OUMAN IN RASUL MITA 16:18

Tongonumai degá nosinggai in bobay tatua umuran momaḷú natua. Diádon nokotahang in ki Paulus in mokidongogmai kon pomaḷúannea natua dá binobuinea bo poḷat noguman kon dimukud tatua, “Podoyon kon tangoi Yesus Kristus akuoi in moguman kon inimu ḷuaidon nongkon bobay tanion!” Dá kon dodaipa doman in tatua iḷumuai in dimukud moraat tatua nongkon bobay tatua.

YUDAS 1:9

Ki Mikhael tontaní, inta itoi in malaekat mita in diábí kon dodai onda in nogaid kon ná inta inaidan monia tatua. Kon wakutu in sia nobobayowan in Ibilis soaḷ ki ine in mokouḻí kon mayat i Musa, sia in diábí nokobaḻí in nohakim kon Ibilis takin tosingogon moningkuḻe. Ki Mikhael in tongábí nosingog nanaa, “Torúan i Tuhan in iko!”