MARKUS 9:12 - Alkitab Singog In Mongondow Masa In Tanaa

¹² Tubag i Yesus, “Ki Elia in totuubí kon mamangoi muna sin monoḻisí kon bayongan yagi-yagi. Táe naonda degá in soaḷ Adí Intau inta pinais kon Buk Motusi, kon Sia in koantugan in roriga mobarong bo poḷat singkuḻeon in intau?

MARKUS 9:12 Mawu Ofanana

MAZMUR 74:22

Sindogdon o Allah, duḷuaidon in pelekara-Mu! Sin kinoouput in singgai Iko in singkuḻeon in intau mita inta diá mopirisaya kon ini-Mu.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

YESAYA 52:14

Dungkuḷmai nobayong in intau in noitaḻikokog in nokoontong kon inia, pogotnea in pinoguyaat dá deemandon ná pogot in intau.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

MALEAKHI 4:6

Baḻíonneabí in guyanga mita ḷoḷaki bo ki adínea mita motobatú kon gina, sinbá Akuoi in diá mamangoi sin moyompat kon butámu.”

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”

MARKUS 10:33

Ki Yesus in noguman, “Indongogai in naa, tanaa kita mopobayádon in Yerusalem. Kon tua Adí Intau posarakandon kon imang mita itoi bo kon mototundú mita kon agama. Sia in hukumon matoi, onda intua posarakan kon intau mita deeman Yahudi.

MARKUS 9:13

Tongá poguman-Kudon kon i monimu: Ki Elia namangoidon, táe pinomia in intau ibo-ibog in sia. Tua noyokaan in onu inta ain pinais kon bonu in Buk Motusi soaḷ sia.”

MARKUS 9:31

sin koyogot in Sia motundú kon murí-Nea mita. Sia in noguman, “Adí Intau posarakan kon bonu in kawasa in intau, bo ḻimodon in Sia, táe kon singgai intoḷunea Sia in bui mobiag!”

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

LUKAS 23:11

Ki Herodes bo tontaranea mita nopoyambá bo noningkuḻe kon i Yesus. Pinopopakéan monia in ḷambung Datu in Sia, onda intua pinoki dia bui monia minayá kon i Pilatus.

LUKAS 23:39

Tobatú intau moraat inta pinopopakú kon kayu pinoyotaḻempang kon tua, norebeg doman kon i Yesus, kai-nia, “Iko in Datu Mopoposaḷamat, toh? Yo posaḷamatkadon in awak-Mu bo kami naa!”

OUMAN IN RASUL MITA 1:6

Mosia inta noyosipun kon tua in noḻibó kon i Yesus, “Tuhan, degá moibogdon in Iko masa in tanaa moposindog bui in dodatuan kon intau Israel?”

OUMAN IN RASUL MITA 4:11

Ki Yesusbí tua inta imakusud in tontagá kon Buk Motusi nanaa, ‘Batu inta iḷumbú in intau mita mogogaid kon bangunan, naanta nobaḻíbí batu inta totok in baraguna.’