MARKUS 9:1 - Alkitab Singog In Mongondow Masa In Tanaa

¹ Guman i Yesus kon i monia, “Pokotaaudon! Kon sigad monimu inta kon naa, oyúon in diápabí matoi aka diápa mokoontong kon i Allah momarenta takin kawasa-Nea!”

MARKUS 9:1 Mawu Ofanana

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MATIUS 24:30

Kon wakutu intua ontongondon in tanda in Adí Intau kon ḷangit. Bo komintan intau kon dunia naa mogamui bo mosia in mokoontong kon Adí Intau tatua mamangoi mongin ḻimonik in goḷom kon ḷangit takin bayongan kawasa bo kamuliaan-Nea.

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MARKUS 13:26

Kon wakutu in tuata koontongandon ki Adí Intau mamangoi kon bonu in goḷom takin kawasa moḷoben bo kamuliaan.

MARKUS 13:30

Pokotaaudon! Bayongan inta mobaḻí tanaa in mobaḻíbí kon wakutu in intau mita inta nobiag masa in tanaa diápa matoi modait.

LUKAS 2:26

Roho i Allah ain noguman muna kon inia kon sia in diápabí matoi aka diápa mokoontong kon Datu Mopoposaḷamat inta pinodandi i Tuhan.

LUKAS 22:18

sinbá kotaauandon monimu: pinangkoidon kon tanaa mako, Akuoi in diá bidon bui monginum kon anggur tanaa modapot in ki Allah mamangoidon momarenta saḷaku Datu.”

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

LUKAS 9:27

Bá kotaauan monimu in naa: kon sigad monimu tanaa oyúon in diápabí matoi aka sia in diápa mokoontong kon i Allah mamangoi momarenta saḷaku Datu.”

YOHANES 21:23

Dá noisiardon in habar kon sigad in dumodudui mita i Yesus, kon murí-Nea tatua in diábí mato-matoi. Bokaka diábí in ki Yesus noguman, kon diá matoi in murí-Nea tatua, ki Yesus in tongábí noguman, “Aka moibog in Akuoi kon sia in umuranpa mobiag modapot in Akuoi mamangoi bui, yo tua in deemanbí iko in kitogi totaau.”

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.