MARKUS 8:8 - Alkitab Singog In Mongondow Masa In Tanaa

^8-9 Mosia komintan in nongaan nobotug. Degá opatmai noribu intau nongaan. Nopaḷut mako kon tua sinipun in murí-Nea mita in kiagat in kaanon tatua – bo pitupa nokompé in nopuḻing. Onda intua pinotabádon i Yesus nobui in intau mita tatua

MARKUS 8:8 Mawu Ofanana

MAZMUR 145:16

Inogoi-Mu in bayongan inta pakéon monia, dá mosia in diábí kodaitan.

MATIUS 14:20

Mosia komintan in nongaan dapot in nobotug. Onda intua sinipun mita in intau in ki agat in roti tatua; nosipun magí mopuḷúpa bodoyowá nokompé in nopuḻing.

MATIUS 15:37

Mosia nongaan komintan dapot in nobotug. Nopaḷut mako sinipun in murí-Nea mita in ki agat in roti tatua. Nosipun magí pitupa nokompé in nopuḻing.

MATIUS 16:10

Andeka roti inta tongá pitu bo pinokaan kon opat noribu in intau? Bo tongonupa doman nokompé in sinipun magí in ki agatnea?

LUKAS 1:53

Sia mobogoi in bayongan inta mopia kon intau mita inta ginogoy, táe intau mita inta nooyúon poguntunon-Nea bo diá ogoian in onu bo onu.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”