MARKUS 8:30 - Alkitab Singog In Mongondow Masa In Tanaa

³⁰ Dá ki Yesus nopotoingatdon kon i monia, sinbá diá mopotaau kon i inekadon in soaḷ Sia.

MARKUS 8:30 Mawu Ofanana

MATIUS 16:20

Bo ki Yesus nongampag kon murí-Nea mita sinbá mosia in diá mopotaa-taau mako kon i inekadon kon Sia tua in ki Mesias.

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

MARKUS 7:36

Bo ki Yesus nolarang kon i monia komintan in mongonguman kon soaḷ tatua kon i ineka. Táe námai tua in pololarang i Yesus, táe námai tua doman in poposiar magí-mako monia.

MARKUS 8:26

Ki Yesus in noguman, “Pobuidon bo dikadon mobui kon kotá tatua.”

MARKUS 9:9

Wakutu in nosiḻigdon nongkon buḷud tatua in mosia, ki Yesus nongoyow kon imonia, kai-Nia, “Donaai potaau monimu kon i ineka onu inta inontong monimu koina aka ki Adí Intau diápa biagon nongkon kinopatoian.”

LUKAS 9:21

Bo ki Yesus in noguman kon murí-Nea mita, “Donaai poguman magí-mako monimu kon i inekadon.”