MARKUS 8:25 - Alkitab Singog In Mongondow Masa In Tanaa

²⁵ Bui iyapu i Yesus mata intau tatua, dá totu-totuudon nokoontong in intau tatua bo nopiadon, sahingga in nodaitneadon ontongon motarang.

MARKUS 8:25 Mawu Ofanana

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

MATIUS 13:12

Intau inta oyúondon kon inia in duganganbí ogoian, sinbá sia in mokouḻí kon moiḻiu in kobayongnea. Táe intau inta diá in kon inia yo onupa inta kon inia yo daitondon gamáan.

MARKUS 8:24

Intau tatua inimindoi ná muna, bo noguman, “Oo. Akuoi in nokoontong kon intau minayá, táe ontongonku naonda in mosia tua bo pangkoi in kayu.”

MARKUS 8:26

Ki Yesus in noguman, “Pobuidon bo dikadon mobui kon kotá tatua.”

OUMAN IN RASUL MITA 1:10

Bo ḷumangagpa mako in mosia sin moindoi kon kinoonikan i Yesus, yo indoianmai doyowa intau inta nogiḷambung nobudó noisindogbí magí kon diug monia,

OUMAN IN RASUL MITA 14:9

Intau tatua in ḻimitú mako kon tua mongindongogmai kon i Paulus mosingog. Bo inontong i Paulus kon mopirisaya in intau tatua, dá tuamai mopiapabí. Dá ki Paulus inimindoi kon inia,

PILIPI 1:6

Ki Allahbí in nomangkoi kon oaidan mopia tatua kon inimu, bo moyakinbí in akuoi, kon tantú-Neabí ingguputan in oaidan-Nea tatua modapot kon singgai ki Kristus Yesus in mamangoidon bui.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus