MARKUS 8:24 - Alkitab Singog In Mongondow Masa In Tanaa

²⁴ Intau tatua inimindoi ná muna, bo noguman, “Oo. Akuoi in nokoontong kon intau minayá, táe ontongonku naonda in mosia tua bo pangkoi in kayu.”

MARKUS 8:24 Mawu Ofanana

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

YESAYA 32:3

Intau inta mokoontong in diábí momilog, bo inta mokodongog in monaridi.

MARKUS 8:23

Kinadaian i Yesus intau bilog tatua bo kinapit-Nea minayá kon ḷuai in kotá. Onda intua dinuyáan i Yesus mata intau bilog tatua, bo kinadaian-Nea doman kon mata poḷat noḻibó, “Oyúondon degá in ontongonmu in tanaa mako?”

MARKUS 8:25

Bui iyapu i Yesus mata intau tatua, dá totu-totuudon nokoontong in intau tatua bo nopiadon, sahingga in nodaitneadon ontongon motarang.

HAKIM MITA 9:36

Inontong i Gaal in mosia, bo noguman in sia kon i Zebul, “Indoiai! Oyúon in intau mita mosiḻig nongkon buḷud mopoangoi in naa!” “Ah, deemanbí intau intua,” tubag i Zebul, “tua in tongábí oḻinow mita kon buḷud.”