MARKUS 8:23 - Alkitab Singog In Mongondow Masa In Tanaa

²³ Kinadaian i Yesus intau bilog tatua bo kinapit-Nea minayá kon ḷuai in kotá. Onda intua dinuyáan i Yesus mata intau bilog tatua, bo kinadaian-Nea doman kon mata poḷat noḻibó, “Oyúondon degá in ontongonmu in tanaa mako?”

MARKUS 8:23 Mawu Ofanana

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 51:18

Nongkon intau inta nogutun kon inimu diábí in notundú kon daḷanmu, nongkon mogogutunmu diábí in nokapit kon inimu.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

MARKUS 5:23

bo totok in nopoigum nanaa kon i Yesus, “Pak Guru, ki adíku bobay notakit moyoyiga. Poigumonku ki Pak Guru mamangoipa moḻiai kon inia sinbá mopia bo diápa matoi!”

MARKUS 7:33

Intau bongoḷ bo bobó tatua dinia i Yesus pinotontaní kon intau nobayong bo pinobonunea in gongguyamú in ḻima-Nea kon bongoḷan in intau tatua, onda intua nonduyá in Sia bo iyapu-Nea in dilá intau tatua.

MARKUS 8:24

Intau tatua inimindoi ná muna, bo noguman, “Oo. Akuoi in nokoontong kon intau minayá, táe ontongonku naonda in mosia tua bo pangkoi in kayu.”

MARKUS 8:26

Ki Yesus in noguman, “Pobuidon bo dikadon mobui kon kotá tatua.”

OUMAN IN RASUL MITA 23:19

Dá itoi in tontara tatua in nokapit kon ede in tayowmobiag tatua bo minayá sinumontaní kon toḷosimai bo noḻibó, “Onu in paraḷumu poguman kon inakó?”

OUMAN IN RASUL MITA 9:8

Ki Saulus in sinimindog bo binukánea in mata, táe diádon mokoontong in sia, dá dongka bidon kinapit monia in sia minayá kon kotá in Damsyik.

IBRANI 8:9

Deemanbí ná dodandian inta inaidan-Ku takin mogoguyang monia wakutu in mosia dinia-Ku iḷumuai nongkon butá in Mesir. Mosia in diá tantú dinumudui kon dodandian inta inaidan-Ku takin i monia; tuamai diádon pandungon-Ku in mosia.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.