MARKUS 8:22 - Alkitab Singog In Mongondow Masa In Tanaa

²² Mosia noiyaputdon kon Betsaida. Kon tua oyúon in intau tobatú nodia mangoi kon intau tobatú bilog kon i Yesus. Sia nopoigum kon i Yesus sinbá yapuon-Nea in intau bilog tatua bá mopia.

MARKUS 8:22 Mawu Ofanana

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

MATIUS 14:36

Mosia nopoigum sinbá ogoi-Nea in mosia moḻiai kon ubung in jubah-Nea. Komintan intau inta noroḻiai kon i-Nia, nongopia.

MATIUS 8:15

Dá dinimiug in Sia bo nokadai kon ḻima in bobay tatua, bo poḷatdon nopia in patúnea. Dá bango-bangon in sia bo nobantung kon i-Nia.

MATIUS 8:3

Bo kinadaian i Yesus in intau tatua bo noguman: “Moibog in Akuoi. Dá kopiadon in iko!” Bo kon dodaipa doman tuata panyaki kusta in intau tatua nopia.

MATIUS 9:29

Bo kinadaian i Yesus in mata monia poḷat nosingog, “Popisí in moiko mopirisaya dá kobaḻídon onu inta kinoibog monimu.”

MARKUS 2:3

Koyogotpa in Sia mosingog, indoianmai intau taya opat namangoi kon i Yesus kobuḻi-buḻig in intau ḻempeng.

MARKUS 3:10

Bo nobayong totok in intau inundaman-Nea, dá bayongan in intau notakit komintan moḷongasi dimiug kon i Yesus bo moḻiai kon i-Nia.

MARKUS 6:45

Nopaḷut mako kon tua ḷagidon pinotabá i Yesus in murí-Nea mita sinumakoi kon uangga bo umunadon kon i-Nia. Mosia pinotabá minayá in Betsaida inta kon ḷoḷan mako in danow, onda intua pinoki pobuian-Neadon in intau moantó tatua.

LUKAS 10:13

“Koboditodon in moiko, Korazim! Bo koboditodon in moiko, Betsaida! Sin aka kuma bo kon ḻipú in Tirus bo Sidon in pinogaidan kon inta mokoherang mita inta ain inaidan kon yua-yuak monimu, yo noonggot bidon mosia in nogogai nogaid kon dosa, bo inangoiandon in panasaḷan.

LUKAS 9:10

Bo naonda in rasuḷ mita inta pinotabá i Yesus nobuidon mangoi, inouman monia kon i Yesus in onu inta ain pinomia monia. Dá dinia i Yesus in mosia minayá sinumontaní kon tobatú kotá, tangoinea kotá in Betsaida. Tongá ki Yesus bo murí-Nea mita in kon tua.

YOHANES 1:44

Ki Pilipus naa intau in Betsaida, kotá inta pinogutunan i Andreas bo i Petrus.

YOHANES 12:21

Mosia in namangoi kon i Pilipus bo noguman, “Utat, aka motaau, dá kami in moibog moyodungkuḷ i Yesus.” (Ki Pilipus naa nongkon Betsaida kon Galilea.)