MARKUS 8:17 - Alkitab Singog In Mongondow Masa In Tanaa

¹⁷ Kinotaauan i Yesus onu in pinobobayowan monia tua, tuamai iḻibó-Nea kon i monia, “Nongonu sin mobobayowanbí in moiko kon soaḷ diá in roti? Degá diápa doman kinotaauan bo kinomangaḻean monimu? Eta ná domaidon tua in kobobodok bodok in pororai monimu?

MARKUS 8:17 Mawu Ofanana

YESAYA 63:17

O Tuhan, nongonu sin pinomayá-Mubí mako in kami moiḷaḻe? Nongonu sin Iko in mopotogatbí in gina kon inami nodapot in kami in diádon moondok kon ini-Mu? Pobuidon mangoi popisí in mogogundoi-Mu mita, Popisí in umat-Mu, kapunyaan pusaka-Mu.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 15:17

Diá kotaauan degá monimu kon onu inta kinaan monimu komintanbí moidapot in sian bodongka pointaḷú bui?

MATIUS 16:7

Dá mosia in norai bo noguman, “Sia nosingog kon natua sin kita in diá nodia kon roti.”

MARKUS 16:14

Pangabisannea, ki Yesus nokipogontong kon murí-Nea mita mopuḷú bomitá tatua, wakutu in mosia koyogot mongaan. Sinorúan-Nea in murí-Nea mita tatua sin diá totok mopirisaya bo motogat totok in gina sahingga in diá mopirisaya kon intau mita inta ain nokoontong kon ki Yesus in nobiagdon bui.

MARKUS 2:8

Táe kon dodaipa doman in tuata kinotaauan i Yesus in raian monia. Dá Sia in noguman, “Nongonu sin moiko in moraibí natua kon bonu in ginamu?

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

MARKUS 6:52

Inta mokoherang inta nobaḻí kon soaḷ roti ḻima tatua diápa doman kinomangaḻean monia. Moyoyiga totok monia raion.

MARKUS 8:16

Dá murí-Nea mita mulaidon nongonguman kon soaḷ tatua. Kai monia, “Noguman in Sia natua sin kita in diá nodia kon roti.”

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

YOHANES 16:30

bo kinotaauan bidon nami kon bayongan yagi-yagi kinotaauanbí i Tuhan. Diá bidon paraḷu in intau moḻibó kon onu bo onu kon i Tuhan. Tuamai kami in mopirisayabí kon ki Tuhan in namangoibí nongkon i Allah.”

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.