MARKUS 7:6 - Alkitab Singog In Mongondow Masa In Tanaa

⁶ Ki Yesus in notubag, “Ei moiko intau mita mongomunapik! Noitutui totok in onu inta ain pinotaau muna i Nabi Yesaya soaḷ moiko, inta pinais nanaa, ‘Nanaa in singog i Allah, Intau mita tatua mosumba kon i-Nakó, tongábí kon singog, táe gina monia in noyayúbí kon i-Nakó.

MARKUS 7:6 Mawu Ofanana

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

YOHANES 15:24

Aka kuma kon yua-yuak monia bo Akuoi in diápa nogaid kon soaḷ mita inta diápa kon dodai in onda inaidan in intau, yo mosia in diábí binaradosa. Táe tanaa mosia ain nokoontong kon onu inta ain pinomia-Ku, bo mosia in mosaturu kon i-Nakó andeka kon i Amá-Ku.

YOHANES 5:42

Kinotaauan-Kubí in moiko. Kinotaauan-Kubí kon diábí in tabi monimu kon i Allah.

OUMAN IN RASUL MITA 28:25

Dá mosia posi-posimaidon minayá nonaḷámai kon tampat tatua takin diábí notantúmai in raian monia. Dá ki Paulus in nosingog kon i monia, “Totuubí in onu inta ain pinoguman in Roho i Allah inta ain pinoyaput i Nabi Yesaya kon mogoguyang monimu!

TIMOTIUS 2 3:5

Koontongan in mosia morajing moibada, táe onu inta pinoguman kon bonu in agama diábí duduian monia. Manangka intua dikabí dimiug kon i monia tua.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.