MARKUS 7:5 - Alkitab Singog In Mongondow Masa In Tanaa

⁵ Manangka intua intau mita in Parisi bo mototundú mita kon agama in Yahudi noḻibó kon i Yesus, “Nongonu sin murí-Mu mita nongaan táe diá muna nonomok? Nongonu sin diábí in mosia dumudui kon adat in mogoguyang naton?”

MARKUS 7:5 Mawu Ofanana

MATIUS 15:2

“Nongonu sin murí-Mu mita in diábí dinumudui kon adat in mogoguyang naton? Mosia in diábí nonomok muna kon dodai in nongaan!”

MARKUS 7:13

Dá totundú monimu tatua kon intau mita tuadon in monginggamá kon tosingogon i Allah. Nobayongpa doman in soaḷ naníon in inaidan monimu.”

MARKUS 7:8

Parenta mita i Allah in toḻikudan mita monimu, bo atorang mita intau tua in kadaian totok monimu.”

MARKUS 7:9

Bo nanaa doman guman i Yesus kon i monia, “Moiko in mopandoi totok monoḻikud kon parenta i Allah sinbá motaau moḷukad kon adat monimu tontaní.

OUMAN IN RASUL MITA 21:21

Mosia ain nokodongog kon ki utat aindon notundú kon bayongan intau in Yahudi inta nogutun kon ḻipú intau ibanea bo ki utat in moibog doman monginggamá kon hukum i Musa. Bo iko ain nongampag kon i monia sinbá mosia in diádon mokisunat kon i adí mita monia bo bá diádon mobiag podudui in adat naton.

OUMAN IN RASUL MITA 21:24

Dá, bayádon in ki utat poyotakin monia mayá mogaid kon upacara pondaritan kon awak, bo uboḻiaidon in ponggonsingan kon buok monia tua, sinbá mosia in motaaudon gonsingan. Sahingga in kotaauandon in bayongan intau kon habar inta dinongogdon monia tua in diábí totuu, sin ki utat tontaní in dinumudui doman kon hukum i Musa.

SURAT I PAULUS KON JAMAAT RUM 4:12

Ki Abraham in guyangabí doman in intau mita inta ain sinunat. Sia in nobaḻí guyanga monia, deemanbí tongá popisí in mosia ain sinunat, táe popisíbí in mosia nopirisayadon kon i Allah bo nobiagdon naonda bo ki Abraham wakutu in diápa sinunat.

GALATIA 1:14

Bo aka tongá mopobayá in parenta in agama Yahudi, yo noiḻiubí in akuoi kon intau mita in Yahudi inta topobiagku. Bo akuoi in totok doman moḷukad kon adat in mogoguyang nami.

TESALONIKA 2 3:11

Pinoguman nami in nanaa sin dinongog nami kon oyúon in intau kon sigad monimu in doídon mogaid kon soaḷ inta baraguna tongá bidon mogaid kon inta diá baraguna.

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.