MARKUS 7:34 - Alkitab Singog In Mongondow Masa In Tanaa

³⁴ Nopaḷut mako kon tua iḷumangag kon ḷangit in ki Yesus bo nogina noropot poḷat noguman kon intau tatua, “Epata,” mangaḻenea, “Kobukatdon!”

MARKUS 7:34 Mawu Ofanana

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

MARKUS 1:41

Dá notabi in ki Yesus kon intau tatua, dá kinadaian-Nea intau tatua bo poḷat noguman, “Motabi in Akuoi, yo kopiadon!”

MARKUS 15:34

Bo wakutu in jam nogintoḷudon ḷoḷabungnea, ki Yesus nomaḷú noropot, “Eloi, Eloi, lama sabaktani?” inta mangaḻenea, “O Allah-Ku, o Allah-Ku, nongonu sin taḷaan-Mubí in Akuoi?”

MARKUS 5:41

Kinadaian i Yesus ḻima in adí tatua poḷat noguman kon adí tatua, “Talita kum,” mangaḻenea, “Adí bobay, poguman-Ku kon inimu: pobangondon!”

MARKUS 6:41

Onda intua ki Yesus nogamá kon roti ḻima tatua takin toyá doyowa, bo iḷumangag kon ḷangit nopoyaput in sukur kon i Allah. Nopaḷut mako kon tua, binosi-bonsig-Nea in roti tatua bo pinoki silai kon intau mita tatua. Ná doman tua in toyá doyowa tatua sinila-silai doman mako kon i monia komintan.

MARKUS 7:35

Bongoḷan intau tatua nobukat bo noḷukó domandon bui in dilánea bo notaaudon sia nosingog.

MARKUS 8:12

Táe noajar in gina i Yesus, dá Sia in noḻibó, “Nongonu sin intau mita masa in naa mopoigumbí sinbá Akuoi mogaid kon inta mokoherang? Diábí ah! Doíbí in Akuoi mopoontong in tobatúmai in tanda kon i monia!”

LUKAS 18:42

Dá ki Yesus in noguman, “Aka natua, yo indoidon! Popisí in mopirisaya in iko kon i-Nakó, dá mopia in iko.”

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

LUKAS 7:14

Bo Sia in dinimiug kon buḻigan tatua bo kinadaian-Nea. Dá intau mita inta nobuḻig in sinumogon bo Sia noguman, “Ei Uḻe. Akuoi in moguman kon inimu pobangondon!”

YOHANES 11:33

Naonda inontong i Yesus in ki Maria nongombaḷ, bo intau mita in Yahudi inta namangoi noyotakinnea tua nongombaḷ doman, norobonoḷdon totok in gina-Nea, bo totokdon inagían tabi in Sia.

YOHANES 11:35

Bo ki Yesus in nongombaḷ.

YOHANES 11:38

Totokpa in inangoian in tabi in ki Yesus minayá in Sia in poḷoḷobongan. Poḷoḷobongan tatua in tobatú angob inta sinaḷoban in batu moḷoben.

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

OUMAN IN RASUL MITA 9:34

Ki Petrus noguman kon i Eneas, “Eneas, ki Yesus Kristus in mongundam kon inimu. Pobangondon bo toinutdon in tosiuganmu tanion.” Dá kon dodaipa doman tatua bo nobangon in ki Eneas, bo nopirisayadon in mosia kon i Tuhan.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!