MARKUS 7:27 - Alkitab Singog In Mongondow Masa In Tanaa

²⁷ Dá ki Yesus in noguman kon inia, “Adíbí mita in musti muna pokaanon, sin diábí mopia aka mogamá kon kaanon in adí mita bo ogoi kon ungku.”

MARKUS 7:27 Mawu Ofanana

MATIUS 10:5

Taya mopuḷú bodoyowá tua pinotabá-Nea takin koyow nanaa: “Donaai moiko mayá in ḻipú in intau ibanea inta deeman Yahudi. Andeka mayá in ḻipú intau in Samaria.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MARKUS 7:26

bo poḷat nopoigum sinbá ki Yesus in moguntun kon dimukud moraat nongkon adí tatua. Guyanga tatua deemanbí intau in Yahudi, sia tua nongkon butábí in Penisia kon Siria.

MARKUS 7:28

Dá kain bobay tatua doman, “Tuang, ungku mita inta kon siup in meja mokaanbí doman kon muyo-muyok in kaanon inta iḷabú in mongoadí tatua!”

OUMAN IN RASUL MITA 22:21

Táe ki Tuhan in noguman kon inakó, ‘bayádon sin Akuoi in mopotabá kon inimu mayá in tampat moyayú kon ḻipú in intau mita inta deeman Yahudi.’ ”

SURAT I PAULUS KON JAMAAT RUM 15:8

Torop in naa, ki Kristus ain nobantung kon intau in Yahudi sin mopoontong kon ki Allah in mogaidbí kon onu inta ain pinodandi-Nea kon mogoguyang naton.

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.