MARKUS 7:26 - Alkitab Singog In Mongondow Masa In Tanaa

²⁶ bo poḷat nopoigum sinbá ki Yesus in moguntun kon dimukud moraat nongkon adí tatua. Guyanga tatua deemanbí intau in Yahudi, sia tua nongkon butábí in Penisia kon Siria.

MARKUS 7:26 Mawu Ofanana

YESAYA 49:12

Nongkon moyayú umat-Ku in moroangoi, nongkon dotá in utuan, toyopan bo Sinim kon toḷatan.”

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MARKUS 7:25

Tobatú guyanga bobay, inta ki adínea bobay kinotoḷangan in dimukud moraat, ain nokodongog kon soaḷ ki Yesus tua. Sia in namangoi sinumungkud kon tayowon i Yesus,

MARKUS 7:27

Dá ki Yesus in noguman kon inia, “Adíbí mita in musti muna pokaanon, sin diábí mopia aka mogamá kon kaanon in adí mita bo ogoi kon ungku.”

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!