MARKUS 6:41 - Alkitab Singog In Mongondow Masa In Tanaa

⁴¹ Onda intua ki Yesus nogamá kon roti ḻima tatua takin toyá doyowa, bo iḷumangag kon ḷangit nopoyaput in sukur kon i Allah. Nopaḷut mako kon tua, binosi-bonsig-Nea in roti tatua bo pinoki silai kon intau mita tatua. Ná doman tua in toyá doyowa tatua sinila-silai doman mako kon i monia komintan.

MARKUS 6:41 Mawu Ofanana

MATIUS 14:19

Bo pinoki ḻitúan-Nea in intau moantó tatua kon tudu in bonok. Bo naonda in ginamá-Nea in roti ḻima bo toyá doyowa tatua, iḷumangag in Sia kon ḷangit bo nomarakat. Bodongka nomonsi-monsig kon roti tatua bo inogoi kon murí-Nea mita pinoki silai kon i monia. Murí-Nea mita in nosilai magí mako kon intau moantó tua.

MATIUS 15:36

Onda intua ginamá-Nea in roti bo toyá mita tatua, bo nopoyaput in sukur. Bodongka nomonsi-monsig kon roti tatua bo inogoi kon murí-Nea pinoki silai, dá sinilai domandon in murí-Nea mita kon intau mobayong tatua.

MATIUS 26:26

Bo kon dodai in mosia koyogot nongaan ki Yesus in nogamá kon roti bo nomarakat poḷat binonsi-bonsig bo inogoi kon murí-Nea mita, bo noguman: “Gamádon bo kaandon, naa in awak-Ku.”

MARKUS 14:22

Wakutu in mosia yogot mongaan, ki Yesus in nogamá kon roti bo nosambayang nopoyaput in sukur kon i Allah. Onda intua binonsi-bonsig-Nea in roti tatua bo inogoi kon murí-Nea mita poḷat noguman, “Gamá bo kaandon, awak-Ku in naa.”

MARKUS 6:40

Dá mosia iḻimitú doman sinumompia kon kolompónea. Oyúon mogatut in tokolompok, bo oyúon doman ḻima nopuḷú.

MARKUS 6:42

Komintan nongaan nobotug in mosia.

MARKUS 7:34

Nopaḷut mako kon tua iḷumangag kon ḷangit in ki Yesus bo nogina noropot poḷat noguman kon intau tatua, “Epata,” mangaḻenea, “Kobukatdon!”

MARKUS 8:19

in roti ḻima inta binonsi-bonsig-Ku bo pinokaan kon intau ḻima noribu? Tongonupa nokompé in kiagat in kaanon tatua naonda in sinipun magí?” Tubag monia, “Mopuḷú bodoyowá.”

LUKAS 24:30

Kon wakutu in ḻimitúdon mongaan moyotakin monia, ki Yesus in nogamá kon roti, bo nopoyaput in sukur kon i Allah poḷat nomonsi-monsig kon roti tatua, bo inogoi kon i monia.

LUKAS 9:16

Onda intua ginamádon i Yesus in roti ḻima bo toyá doyowa nobungá tatua, bodongka iḷumangag kon ḷangit bo nosukur kon i Allah. Onda intua binonsi-bonsig-Nea in roti tatua bo inogoi kon murí-Nea mita pinoki silai kon intau moantó tatua.

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 6:11

Onda intua ki Yesus nogamá kon roti bo nopoyaput in sukur kon i Allah. Nopaḷut mako kon tua sinila-silai-Nea mako in roti tatua kon intau moantó tatua. Noiduduimai kon tua sinila-silai-Nea domandon in toyá tatua, bo mosia in komintan nongaan kinooibogbí monia.

YOHANES 6:23

Noiduduimai kon tua tongonumai uangga nongkon kotá in Tiberias namangoi bo sinumubu kon diug in tampat pinokaanan kon intau moantó kon roti naonda in ki Tuhan nopoyaput in sukur.

OUMAN IN RASUL MITA 27:35

Nopaḷut mako nosingog kon natua ki Paulus in nogamá kon roti bo nosukur kon i Allah kon tayowon monia komintan. Onda intua sinila-silaineadon mako in roti bodongka nongaan.

SURAT I PAULUS KON JAMAAT RUM 14:6

Intau inta nonantú kon oyúonbí in singgai inta totok moponting, tua in inaidannea sin mohoromatbí kon i Tuhan. Intau inta nokaan kon bayongan in yagi-yagi, tua in lantaranbí doman sia mohoromat kon i Tuhan, sin sia in mosukur kon onu inta inogoi kaanon tua. Natua doman, intau inta tongá mokaan kaanon inta ain sinantúnea motaau kaanon, yo intau tatua in mohoromatbí doman kon i Tuhan bo mosukur kon i Allah.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

ULANGAN 8:10

Moiko in kinooibogbí in mongaan, bo mopoyaput in sukur kon i Tuhan Allahmu sin butá mopia inta inogoi-Nea kon inimu.”

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.