MARKUS 6:2 - Alkitab Singog In Mongondow Masa In Tanaa

² Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

MARKUS 6:2 Mawu Ofanana

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MATIUS 7:28

Bo naonda in ki Yesus nonimpod kon singog-Nea tatua, nongoherang in intau nobarong kon tua in nokodongog kon pototundú-Nea.

MARKUS 1:39

Dá ki Yesus minaya-mayádon mako kon bayongan in ḻipú kon Galilea bo nopotaau in Habar Mopia kon bonu in baḷoi pososambayangan monia bo noguntun kon dimukud mita moraat.

MARKUS 10:1

Nongkon tua, ki Yesus nobuat bo minayá in butá in Yudea bo kon daerah inta kon ḷoḷan Ongkag in Yordan. Intau in nobayong doman in namangoi noyosipun kon diugmai Yesus. Bo ná biasamai ki Yesus mobogoi in totundú kon i monia.

LUKAS 2:47

Komintan intau inta mokodongog in mongoherang sin totok mopandoi in Sia motubag kon onu in ḻibóon.

LUKAS 4:15

Kon tua, Sia minaya-mayá mako kon baḷoi pososambayangan bo nopoyaput in Habar Mopia bo umuran dayowon in bayongan intau in Sia.

YOHANES 6:42

Mosia in noguman, “Sia naa in ki Yesus, ki adí i Yusup toh? Kinotaauanbí nami in ki iná bo ki amá-Nea! Yo nongonu sin Sia in mogumanbí, kon Sia in noponag nongkon soroga?”

YOHANES 7:15

Itoi mita in Yahudi totok in noherang bo noguman, “Naondabí in kinototaau-Nea kon soaḷ mita tatua, bokaka diábí kon dodai onda in Sia nosikoḷa?”