MARKUS 5:9 - Alkitab Singog In Mongondow Masa In Tanaa

⁹ Ki Yesus in noḻibó kon inia, “Ki ine in tangoimu?” Tubagnea, “Tangoiku ‘ki Legion’ sin mobarong totok in kami!”

MARKUS 5:9 Mawu Ofanana

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 26:53

Andeka iraimumai yo degá Akuoi in diábí motaau mokituḷung kon i Amá-Ku, bá ḷagi-Nea potabá mangoi in noiḻiu kon mopuḷú bodoyowá in tontara malaekat motuḷung kon i-Nakó?

MARKUS 5:10

Sia in umuran mopoigum sinbá diá potabá i Yesus in sia ḷumuai nongkon butá tatua.

MARKUS 5:15

Mosia in namangoi kon i Yesus, bo inontongdon monia intau inta koina kinotoḷangan in dimukud moraat tatua, iḻimitúdon mako kon tua, ain nogiḷambung bo noratakdon in raiannea. Dá noondokdon in mosia komintan.

MARKUS 5:8

Intau tatua in noguman natua sin ki Yesus noguman kon inia, “Ei dimukud moraat, ḷuaidon iko nongkon intau tanaa!”)

LUKAS 8:30

Ki Yesus in noḻibó kon intau tatua, “Ki ine in tangoimu?” Tubagnea doman, “Tangoiku ‘ki Legion’,” – sin nobayong totok in dimukud moraat in sinumuot kon inia.