MARKUS 5:7 - Alkitab Singog In Mongondow Masa In Tanaa

⁷ Bo nomaḷú noropot, “Yesus, Adí i Allah inta Totok in Moḷantud! Onuon-Mu in akuoi ná? Podoyon kon tangoi i Allah, akuoi mopoigum kon ini-Mu, donaai rorigaan in akuoi!” (

MARKUS 5:7 Mawu Ofanana

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

DATU MITA IMITÁNEA 22:16

Ki Ahab in notubag, “Aka iko bo mosingog kon inakó podoyon kon tangoi i Tuhan, yo pogumandon onu inta totuu. Kotongonudon in iko inogoianku in tompoingat kon soaḷ tatua?”

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 26:63

Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

MARKUS 14:61

Táe tongá kibio-biómai in ki Yesus. Totokbí in doí notubag in Sia. Bo buipa doman imang moḷoben tatua noḻibó kon i-Nia, “Degá iko nion Datu Mopoposaḷamat, ki Adí i Allah inta Totok in mokudus?”

MARKUS 3:11

Bo intau mita inta kinotoḷangan in dimukud moraat, pomuḷoi in mokoontong kon i-Nia baḷú tumungkud kon tayowon-Nea bo momaḷú in moguman, “Ikobí nion in ki Adí i Allah!”

MARKUS 5:6

Naonda in inontongnea in ki Yesus nongkon moyayú, noribatuk in sia namangoi bo sinumungkud kon tayowon i Yesus.

MARKUS 5:8

Intau tatua in noguman natua sin ki Yesus noguman kon inia, “Ei dimukud moraat, ḷuaidon iko nongkon intau tanaa!”)

LUKAS 1:32

Sia in mobaḻí intau moḷoben bo tangoion ki Adí i Allah Inta Totok in moḷantud. Baḻíon i Allah in Sia Datu naonda bo ki Daud ki ḷaki-Nea.

LUKAS 4:34

“Ei Yesus, intau in Nazaret, onuon-Mu in kami? Degá mamangoi in Iko momutú kon inami? Kinotaauankubí in Iko: Iko in totabá inta Motusi nongkon i Allah!”

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

OUMAN IN RASUL MITA 16:17

Bobay tatua in dumuduianmai kon i Paulus bo kon inami komintan bo sindaḷan momaḷú, “Intau mita tanaa simpaḷbí mita i Allah Inta totok in Moḷantud! Mosia in mamangoi mopotaau in daḷan kasaḷamatan kon i monimu komintan!”

OUMAN IN RASUL MITA 19:13

Oyúon in tongonumai mogogonow intau Yahudi, mosia in maya-mayá mako moguntun kon dimukud moraat nongkon intau mita. Mogogonow mita tatua monungkuḷ mongundam nomaké in tangoi Tuhan Yesus. Nanaa in kai monia, “Podoyon kon tangoi i Yesus inta pinotaau i Paulus tua, akuoi in moguntun kon i monimu!”

OUMAN IN RASUL MITA 8:36

Kon binayáan monia tatua, mosia noidapot in tobatú tampat inta oyúon in tubig. Pogawai tatua noguman, “Indoiaika, kon tua oyúon in tubig! Motaau degá aka akuoi baptisondon kon tua?” [

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.

IBRANI 7:1

Ki Melkisedek naa in datu nongkon Salem bo imang i Allah inta totok in moḷantud. Wakutu in ki Abraham nobuidon nongkon pinoparangan bo nonaḷowdon kon datu mita, dá ki Melkisedek naa in namangoidon nonontomu bo nomarakat kon inia.

YAKOBUS 2:19

Tantú moiko in mopirisayabí kon ki Allah in tongábí tobatú toh? Bá kotaauan monimu kon dimukud mita moraat in mopirisayabí doman kon tua bo uyotbí doman mako in mosia sin moondok!

PETRUS 2 2:4

Malaekatpa mita inta nogaid kon dosa, diábí doman pinilatan i Allah nongkon hukuman. Mosia tua in komintanbí doman pinogonag kon naraka. Mosia in pinobonu kon irang inta mosindip sin pogoḷa-goḷatan kon Singgai Ponantúan.

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.

WAHYU 12:12

Tuamai, koḷungangadon in gina iko soroga bo bayongan inta nogutun kon bonunea! Táe moboditodon in moiko butá bo dagat, sin Ibilis ain noponag kon i monimu takin sinumorú totok sin kinotaauanneadon kon motoyongdon totok in wakutunea.”