MARKUS 5:34 - Alkitab Singog In Mongondow Masa In Tanaa

³⁴ Dá ki Yesus in noguman kon bobay tatua, “Adí-Ku, popisí in iko bo mopirisaya kon i-Nakó dá nopia in iko! Bayádon takin saḷamat, iko in totu-totuudon nopia!”

MARKUS 5:34 Mawu Ofanana

DATU MITA 2 5:19

Guman i Elisa, “Bayádon takin saḷamat.” Bo minayádon in ki Naaman. Diá noonggot naonda in ki Naaman nobuat,

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

IMAMAT 14:48

Táe aka ki imang mamangoidon bo naonda in sinaridinea mako bo diábí in ponopadan nomuká bui naonda in baḷoi tatua pinelester bui, dá musti poniata in imang tatua kon nodarit in baḷoi tatua, sin ponopadan tatua aindon noinggamá komintan.

MATIUS 9:2

Bo intau nodia mangoi kon i-Nia in intau tobatú inta ḻempeng bo noitosiug mako kon tosiugannea. Naonda inontong i Yesus in pirisaya monia, Sia in noguman kon intau inta diá mokobayá tatua, “Popirisayadon, adí-Ku! Taḷámu aindon inampungan.”

MATIUS 9:22

Dodai intua ki Yesus in nobobui bo noindoi kon inia poḷat noguman, “Koroton in ginamu, adí-Ku! Sin iko in mopirisaya kon i-Nakó.” Bo kon dodaipa doman tua bobay tatua nopia.

MARKUS 10:52

Guman i Yesus kon inia, “Bayádon, sin iko mopirisaya kon i-Nakó dá nopiadon in iko.” Bo kon dodaipa doman tatua, nokoontongdon in intau bilog tatua. Bo dinumudui in sia kon i Yesus kon binayáan.

MARKUS 3:10

Bo nobayong totok in intau inundaman-Nea, dá bayongan in intau notakit komintan moḷongasi dimiug kon i Yesus bo moḻiai kon i-Nia.

MARKUS 5:29

Sia noḻiai kon jubah i Yesus, bo dodaipa doman intua nogogai in dugú bo kinorasaannea kon nopiadon in sia.

MARKUS 5:33

Bobay tatua inta nokotaaudon kon onu in nobaḻí kon inia tua, takin urot mako sin ondok, sia in namangoi sinumungkud kon tayowon i Yesus bo nongaku kon tua komintan.

LUKAS 17:19

Bo ki Yesus in bui noguman kon intau tatua, “Pobuatdon bo bayádon. Iko in nopirisaya kon i-Nakó dá nopia.”

LUKAS 18:42

Dá ki Yesus in noguman, “Aka natua, yo indoidon! Popisí in mopirisaya in iko kon i-Nakó, dá mopia in iko.”

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

LUKAS 8:48

Ki Yesus in noguman kon bobay tatua, “Adí-Ku, pirisayamu ain nokosaḷamat kon inimu. Bayádon takin saḷamat.”

OUMAN IN RASUL MITA 14:9

Intau tatua in ḻimitú mako kon tua mongindongogmai kon i Paulus mosingog. Bo inontong i Paulus kon mopirisaya in intau tatua, dá tuamai mopiapabí. Dá ki Paulus inimindoi kon inia,

OUMAN IN RASUL MITA 15:33

Naonda in noḻin onggotdon in nogutun kon tua in taya dua, mosia inatodon bui in intau mita inta mopirisaya kon Antiokhia poḷat nokidia in salam kon intau mita inta nopotabá kon i monia mangoi. [

OUMAN IN RASUL MITA 16:36

Dá pinoyaputdon itoi in ponjara tatua kon i Paulus in parenta tatua, kainia, “Tuang, intau mita moḷoben kon Rum aindon nobogoi in parenta kon tai tuang in buḻiandon. Dá motaau bidon mobui in tanaa mako. Bayádon bo mokopopiadon kon daḷan!”

YAKOBUS 2:16

Onubí in mangaḻenea moiko in moguman, “Pakédon in pakeang tanaa inta mokoinggamá kon tumping bo pongaandon!” – aka diá ogoian monimu in sia in pakéonnea kon kobiagan?

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 20:42

Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.