MARKUS 5:25 - Alkitab Singog In Mongondow Masa In Tanaa

²⁵ Kon sigad monia tua oyúon doman in tobatú bobay inta ain mopuḷú bodoyowá notaong notakit toḷoganmai in dugú aka angoionnea.

MARKUS 5:25 Mawu Ofanana

MARKUS 5:24

Dá minayá in ki Yesus noyotakin i Yairus. Mobarong totok intau in sinumakin kon i-Nia, oyúon kon tumi, kon muna, kon koḷoigi, kon koḷanan moyo-moyogundud.

MARKUS 5:26

Bayongan kapunyaannea noitaḷuidon komintan sin pokiundaman kon i dokter, táe diá in mokopia, sedang bo tongábí modugang moyoyiga.

LUKAS 13:11

Kon tua oyúon in tobatú bobay inta ain mopuḷú bowaḷu notaong notakit. Bobay tatua nobungkutdon dá diádon motuḻid in sosindognea.

OUMAN IN RASUL MITA 4:22

Sin intau inta inundaman tatua umurnea aindon noiḻiu kon opat nopuḷú notaong.