MARKUS 5:14 - Alkitab Singog In Mongondow Masa In Tanaa

¹⁴ Moḷoḷukad mita kon boké tatua, noḷagui bo minayá nopotaau in habar tatua kon kotá bo kon ḻipú mita inta kon diugneamai. Dá intau mita iḷumuai sin moindoi kon onu inta nobaḻí.

MARKUS 5:14 Mawu Ofanana

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MATIUS 8:33

Bo moḷoḷukad mita kon boké tatua in noḷagui. Naonda in nodapotmai kon kotá nodait inouman monia in onu inta aindon nobaḻí. Inouman doman monia in intau mita inta kinotoḷangan in dimukud mita moraat tua.

MARKUS 5:13

Bo inóoan i Yesus. Dá dimukud moraat mita tatua iḷumuai kon intau tatua bo minayá sinumuot kon boké mita tatua. Bo paanan in boké – inta degá doyowamai noribu in kobayongnea tua, komintan iḷumanduk kon pompang in danow tatua bo noḷomot.

MARKUS 5:15

Mosia in namangoi kon i Yesus, bo inontongdon monia intau inta koina kinotoḷangan in dimukud moraat tatua, iḻimitúdon mako kon tua, ain nogiḷambung bo noratakdon in raiannea. Dá noondokdon in mosia komintan.

LUKAS 8:34

Naonda intau mita inta noḷukad kon boké nokoontong kon natua, mosia noḷagui bo poḷat minayá nopohaba-habar mako kon onu inta ain nobaḻí tatua kon kotá bo kon ḻipú mita inta noyodiugmai.