MARKUS 4:40 - Alkitab Singog In Mongondow Masa In Tanaa

⁴⁰ Bo ki Yesus in noḻibó kon murí-Nea mita, “Nongonu sin moondokbí in moiko? Nongonu sin diábí in moiko mopirisaya kon i-Nakó?”

MARKUS 4:40 Mawu Ofanana

YESAYA 42:3

Aog inta noikoḷungdon diábí putoḷannea, togá inta nokuyoyowdon diábí piongannea. Takin satia in sia in moponiata kon inta totuu,

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

MATIUS 14:31

Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MATIUS 16:8

Bo naonda in kinotaauan i Yesus onu in yogot monia yosingogon tua. Sia in noguman, “Nongonu sin moiko in noyosingogbí kon soaḷ diá in roti? Ei intau mita inta diá mopirisaya!

MATIUS 6:30

Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya!

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 4:41

Mosia noondok bo dongkadon nosiḻibóan, “Eta ki inebí in intau tanaa, nodapot in tompot bo bokoḷ in dumuduibí doman kon singog-Nea.”

LUKAS 8:25

Bo siningog i Yesus in mosia, “Nongonu sin moiko in diábí mopirisaya kon i-Nakó?” Mosia in noondok bo noherang. Mosia in nosiḻibóan, “Ki inebí sabanarnea in intau tanaa sin umpaka tompot bo bokoḷ yo dumudui doman kon singog-Nea!”