MARKUS 4:32 - Alkitab Singog In Mongondow Masa In Tanaa

³² Táe aka mobiagdon, yo moḷobe-ḷobenbí in sia nongkon bayongan pinomuḷa ibanea. Tanganea mita mongobambar, sahingga ḷagapan mita motaau mamangoi monompugad kon tua bo kooḻiungannea.”

MARKUS 4:32 Mawu Ofanana

MAZMUR 104:12

Kon diugnea ḷagapan mita momia kon pugadnea; mosia in monontuoḷ kon sigad mita in daun.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

YEHEZKIEL 17:23

Kon buḷud inta totok in moḷantud, pomuḷaan-Ku in sia. Kon tua monokat in sia, bo momungai, bo mobaḻídon pangkoi in ḷokuyú inta mobambar totok. Bayongan in ḷagapan in monompugadbí kon tua bo moniung kon siungonnea.

MATIUS 13:32

Totuu kon batoḷ tatua in totok in mointok nongkon bayongan batoḷ. Táe aka sia in mobiagdon, sesawi tatua in moḷobe-ḷoben nongkon kuyat mita ibanea. Sia in sinimimpangkoi sahingga in ḷagapan mita in mamangoi bo monompugad kon tanganea mita.”

MARKUS 4:31

Aka ki Allah momarenta, yo kaadaan-Nea in naonda bo poumpamaan tanaa: Tobatú batoḷ in sesawi ginamá in intau tobatú bo pinomuḷanea kon butá. Batoḷ in sesawi naa in batoḷbí inta paling mointok nongkon bayangan batoḷ kon dunia naa.

MARKUS 4:33

Natua in pinototundú i Yesus kon intau mita. Sia nomaké in poumpamaan mita natua komangoi in komangaḻean monia.