MARKUS 4:17 - Alkitab Singog In Mongondow Masa In Tanaa

¹⁷ Táe habar tatua diá nonguakat kon bonu in gina monia, sahingga in diá noonggot in pinonahangannea. Naonda i mosia noyogintayow in roriga ande pomogutúan popisí in habar tatua, baḷú in mosia nonaḷámai kon onu inta ain pinirisaya monia.

MARKUS 4:17 Mawu Ofanana

AYUB 19:28

‘Naonda in pononuntut kon inia?’ Moiko in notayak kon dodoyonan sin momia kon pelekara.

MATIUS 11:6

Pia in kamang in intau inta totu-totuu mopirisaya kon i-Nakó.”

MATIUS 12:31

Manangka intua poguman-Ku kon inimu, aka intau mogaid kon dosa bo moningkuḻe kon i Allah, yo motaaupabí ampungan! Táe aka moningkuḻe kon Roho i Allah, yo diábí ampungan in sia!

MATIUS 13:21

Táe Pirman tatua in diá nonguakat kon bonu in ginanea, sahingga in diá nonahang. Aka koantugan in yoyiga andeka pomogutúan popisí in Pirman tatua, yo intau tatua in baḷú mobaḷui in pirisaya monia kon i Yesus.

MARKUS 4:16

Bibit inta noḷabú kon tampat inta nobayong in batu, ibarat intau mita inta nokodongog kon habar tatua, bo baḷú sinarimanea takin sanang in gina.

MARKUS 4:18

Bibit inta noḷabú kon yua-yuak in díat, tua in ibarat intau mita inta nokidongog kon habar tatua,

LUKAS 12:10

Aka oyúon intau mopoyaput in tosingogon poḷawang kon i Adí Intau, yo sia tua in ampunganbí; táe aka ki ine in moningkuḻe kon Roho i Allah, yo sia in diábí ampungan.

YOHANES 8:31

Onda intua ki Yesus in noguman kon intau mita in Yahudi inta ain nopirisaya kon i-Nia, “Aka moiko bo umuran dumudui kon inta sinundú-Ku, yo moiko in totu-totuudon mobaḻí dumodudui-Ku,

GALATIA 6:12

Intau mita inta mokikoontong kon tumpaḷa intau, mosia inta moramuji momakisa kon i monimu sinbá sunaton. Táe tua in aidan monia sinbá diá pogutúon in intau Yahudi in mosia. Sin mosia in nopoyaput in habar soaḷ roriga i Kristus.

TIMOTIUS 2 1:15

Bá kotaauanmu kon bayongan intau inta kon Asia Kecil ain nonaḷámai kon inakó. Umpaka ki Pigelus bo ki Hermogenes.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TIMOTIUS 2 4:16

Kon wakutu in sinidang dungkuḷ totok kon inakó, diá in tobatúmai intau naton in noyotakinku, komintandon nonaḷámai kon inakó. Táe poigumonku mako sinbá diá potaḷáan i Allah in mosia sin nogaid kon soaḷ natua!

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.