MARKUS 3:9 - Alkitab Singog In Mongondow Masa In Tanaa

⁹ Mobayong totok in intau, manangka intua ki Yesus nokitayak in uangga kon murí-Nea mita, sinbá diá kogupitan monia in Sia.

MARKUS 3:9 Mawu Ofanana

MATIUS 15:39

Nopaḷut mako nongaan ki Yesus nopotabádon kon i monia nobui. Bo Sia in minayá sinumakoi kon uangga bo iḷumeag nopobayá in ḻipú in Magadan.

MARKUS 4:1

Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

MARKUS 4:36

Dá ki Yesus sinumakoidon kon uangga takin murí-Nea mita bo nonaḷámaidon kon intau mobayong kon bingkí in Danow. Uangga mita ibanea kon tua doman. Onda intua ki Yesus bo murí-Nea mita iḷumeagdon.

MARKUS 5:2

Natua in ponag i Yesus kon uangga, Sia inangoian in tobatú ḷoḷaki inta nongkon angob mita poḷoḷobongan.

MARKUS 5:30

Táe kon dodai doman tatuata kinorasaan i Yesus kon oyúon in ropot iḷumuai nongkon i-Nia. Dá Sia in nobobui kon intau mobarong tatua bo noḻibó, “Ki ine in noḻiai kon jubah-Ku?”

MARKUS 6:32

Dá sinumakoi kon uangga in mosia bo minayá in tampat inta noingongow.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 5:3

Ki Yesus in sinumakoi kon uangga tobatú kon tua, sinakoian-Nea tua in uangga i Simon. Pinoki undud-Nea kon i Simon pinoyayú topí kon pintad bo iḻimitú in Sia kon bonu in uangga tatua bo nopoyaput in Habar Mopia kon intau moanto inta kon tua.

YOHANES 6:15

Kinotaauan i Yesus kon mosia in mamangoi sin momakisa kon i-Nia mobaḻí Datu monia. Tuamai in Sia minayádon kon daerah inta notombuḷud.