MARKUS 3:7 - Alkitab Singog In Mongondow Masa In Tanaa

⁷ Noiduduimai kon tua, ki Yesus takin murí-Nea mita sinimípa bo nopobayá in Danow Galilea. Táe nobayong totok in intau nongkon Galilea in dinumudui kon i Yesus. Nobayong doman in namangoi nongkon Yudea,

MARKUS 3:7 Mawu Ofanana

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 12:16

Táe Sia nogimaḷow sinbá diá potaa-taau mako monia intua kon intau ibanea.

MATIUS 4:25

Dá intau mobarong totok in dinumudui kon i-Nia. Oyúon nongkon Galilea, Dekapolis, Yerusalem, Yudea, bo oyúon doman nongkon ḻipú inta kon ḷoḷan Ongkag in Yordan.

MARKUS 1:39

Dá ki Yesus minaya-mayádon mako kon bayongan in ḻipú kon Galilea bo nopotaau in Habar Mopia kon bonu in baḷoi pososambayangan monia bo noguntun kon dimukud mita moraat.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

MARKUS 3:20

Onda intua ki Yesus nobuidon kon baḷoi. Táe intau nobayong buipabí namangoi noyosipun, sahingga in ki Yesus bo murí-Nea mita diádon nokopongaan.

MARKUS 4:1

Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

LUKAS 23:5

Táe tantú domandon monia ḷongasion kon bá hukumon in Sia, mosia in noguman, “Totundú-Nea mita totok in mokopongaru kon bayongan intau in Yudea. Pinangkoipamai kon Galilea bo tanaa nodapotdon kon naa.”

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

LUKAS 6:17

Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

YOHANES 7:41

Ibanea in noguman, “Naadon in Datu Mopoposaḷamat!” Táe oyúon doman in noguman, “Ah deeman! Sin Datu Mopoposaḷamat in diábí mamangoi nongkon Galilea?

YOHANES 7:52

Dá mosia in noguman kon inia, “Eta degá iko nion doman in nongkon Galilea? Pirikisadon kon bonu in Buk Motusi dá kotaauanmu bidon kon diábí in tobatúmai nabi in mamangoi nongkon Galilea!” [

OUMAN IN RASUL MITA 17:10

Doḷom tua ki Paulus bo ki Silas pinotabádon in bayongan intau inta mopirisaya kon kotá tatua, sinbá mayádon in Berea. Noiyaputmai kon tua mosia in minayá in baḷoi pososambayangan intau Yahudi.

OUMAN IN RASUL MITA 17:14

Dá ḷagidon in utat mita kon Berea tua inatod in ki Paulus kon pintad, táe ki Silas bo ki Timotius in tantúpabí nogutun kon kotá tatua.

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.