MARKUS 3:6 - Alkitab Singog In Mongondow Masa In Tanaa

⁶ Dá intau mita in Parisi nonaḷámaidon kon baḷoi pososambayangan tatua, bo minayá noyosingog takin intau mita i Herodes, kon naonda in poḷoḻimod kon i Yesus.

MARKUS 3:6 Mawu Ofanana

MATIUS 12:14

Bo intau mita in Parisi iḷumuai komintan bo noyopakatdon kon moḻimod kon i Yesus.

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

MARKUS 12:13

Onda intua tongonumai intau in Parisi bo intau i Herodes pinotabá minayá kon i Yesus bo moḻibó sin potayakan monia kon taḷá-Nea.

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 22:2

Imang mita itoi bo mototundú mita kon agama norai mongo naonda in poḷoḻimod monia kon i Yesus, táe umuni-uni sin moondok kon intau moantó.

LUKAS 6:11

Táe intau mita in Parisi bo mototundú mita kon agama sinumorú totok kon i Yesus, dá nomangkoidon in mosia noyosingog mongo onu in aidan monia kon i Yesus.

YOHANES 11:53

Mulaidon singgai tua itoi mita in Yahudi noyopakat kon moḻimod kon i Yesus.

OUMAN IN RASUL MITA 4:25

Ki Daud ki amá nami inta kinawasa in Roho-Mu nokoimontandon in noguman nanaa, ‘Nongonu sin intau mita inta diá mopirisaya kon i Tuhan, tumorúbí; nongonu sin mosia in monomayábí kon inta diá baraguna?